Electric Bike : आज आणखी एका नवीन खेळाडूने इलेक्ट्रिक वाहन सेगमेंटमध्ये प्रवेश जाहीर केला आहे. अहमदाबाद स्थित स्टार्टअप मॅटरने (Matter) आज देशांतर्गत बाजारात आपली पहिली बाईक Matter Aera लाँच केली. कंपनीने ही बाईक दोन प्रकारात सादर केली आहे, ज्यात Aera 5000 आणि Aera 5000 Plus यांचा समावेश आहे. कंपनीने याआधीही ही बाईक शोकेस केली होती, पण आज ही बाईक अधिकृतपणे विक्रीसाठी लाँच करण्यात आली आहे. आकर्षक लुक आणि शक्तिशाली इंजिन क्षमतेने सुशोभित केलेल्या या मोटरसायकलींची किंमत अनुक्रमे १४३९९९ रुपये आणि १५३९९९ रुपये (एक्स-शोरूम) ठेवण्यात आली आहे. ही नोंदणीपूर्व किंमत आहे.
मॅटरचे सह-संस्थापक आणि सीओओ अरुण प्रताप सिंग यांनी आज या बाईकच्या किमती जाहीर केल्याच्या प्रसंगी सांगितले, “आम्हाला बाजारात AERA 5000 सीरिज लॉन्च करताना खूप आनंद होत आहे. ही खूप मेहनत आहे. कंपनीने देशातील २२ शहरांमध्ये या बाईकची बुकिंग सुरू केली आहे. त्यात जवळपास सर्व राज्यांच्या राजधानी शहरांचा समावेश आहे. मॅटर एरा मालिकेची डिलिव्हरी या वर्षी जून ते जुलै महिन्यात सुरू केली जाऊ शकते.”
हेही वाचा – महाराष्ट्रातील शेतकऱ्यांसाठी खुशखबर..! मुख्यमंत्री शिंदेंनी केली ‘मोठी’ घोषणा; ३१ मार्चपूर्वी मिळणार…
पॉवर आणि परफॉर्मन्सबद्दल बोलायचे झाले तर कंपनीने दोन्ही बाइक्समध्ये १० kW क्षमतेची इलेक्ट्रिक मोटर वापरली आहे, जी ४-स्पीड मॅन्युअल ट्रान्समिशन गिअरबॉक्सने सुसज्ज आहे. कंपनीचे म्हणणे आहे की यात इनबिल्ट अॅक्टिव्ह कूलिंग सिस्टीम तसेच विविध राइडिंग मोड देण्यात आले आहेत. पिकअपच्या बाबतीतही ही बाईक भारी आहे. कंपनीच्या दाव्यानुसार, ही बाईक अवघ्या ६ सेकंदात ० ते ६० किलोमीटर प्रति तासाचा वेग पकडू शकते.
बॅटरी आणि चार्जिंग
दोन्ही बाईकमध्ये, कंपनीने ५kWh क्षमतेचा बॅटरी पॅक दिला आहे, ज्यामुळे बाइक्स एका चार्जमध्ये १२५ किलोमीटरपर्यंत चालवता येतात. कंपनीचा दावा आहे की या बाईकची बॅटरी ऑनबोर्ड रेग्युलर चार्जरने फक्त ५ तासात चार्ज होते, तर डीसी फास्ट चार्जरने या बाईकची बॅटरी चार्ज होण्यासाठी फक्त २ तास लागतात. थर्मल मॅनेजमेंट सिस्टमसह IP६७ रेट केलेल्या बॅटरीचे परीक्षण केले जाते. ड्युअल सेन्सर सिंगल चॅनल अँटी लॉक ब्रेकिंग सिस्टम (ABS) ने सुसज्ज असलेल्या या बाईकच्या पुढील आणि मागील दोन्ही चाकांमध्ये डिस्क ब्रेक देण्यात आले आहेत.
And the prices for the Matter Aera 5000 and 5000+ are out as well at Rs 1,43,999 and Rs 1,53,999, ex-showroom. #MatterMobility pic.twitter.com/REZm5KCsrM
— TURBOCHARGED (@turbochargedmag) March 1, 2023
Here's a look at the variant break-up of the Matter Aera. All save for the 6000 come with a 5 kWh battery; 6000 will have a 6 kWh battery and 150 km real range, but won't be available before Diwali this year, as per @matter_india chief @MohalLalbhai. pic.twitter.com/KPwsk8Kdbo
— Amaan Ahmed (@MrAhmedSays) March 1, 2023
या बाइक्समध्ये कंपनीने ७-इंचाची LCD टचस्क्रीन सिस्टम दिली आहे, जी स्मार्टफोन कनेक्टिव्हिटीसह येते. यामध्ये 4G, वाय-फाय, ब्लूटूथ आदी फीचर्सचाही समावेश करण्यात आला आहे. यात बाईकची अंदाजित रेंज, रिअल टाइम बॅटरीचा वापर, ऑफलाइन नेव्हिगेशन, अॅक्सिडंट डिटेक्शन आणि आपत्कालीन सूचना, ओव्हर द एअर (OTA) सॉफ्टवेअर अपडेट्स इत्यादी काही स्मार्ट फीचर्सदेखील मिळतात.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!