Mahindra Thar RWD Price Hike : महिंद्राने जानेवारी २०२३ मध्ये देशात थार लाइफस्टाइल SUV चे रियर-व्हील-ड्राइव्ह व्हेरिएंट लॉन्च केले. हे मॉडेल ३ प्रकारांमध्ये लॉन्च करण्यात आले होते. AX डिझेल, LX डिझेल आणि LX पेट्रोल, ज्याची किंमत ९.९९ लाख ते १३.४९ लाख रुपये आहे. या प्रास्ताविक किमती होत्या आणि फक्त पहिल्या १०,००० ग्राहकांसाठी लागू होत्या. महिंद्राने आता LX डिझेल मॅन्युअल व्हेरियंटची किंमत ५०,००० रुपयांनी वाढवली आहे. या प्रकाराची किंमत आता ११.४९ लाख रुपये (एक्स-शोरूम) वर गेली आहे. सुरुवातीला हे १०.९९ लाख रुपयांच्या किमतीत लॉन्च करण्यात आले होते. याशिवाय, बेस डिझेल AX(O) आणि LX पेट्रोल AT च्या किमती पूर्वीप्रमाणेच ठेवल्या आहेत. हे मॉडेल फक्त हार्डटॉप कॉन्फिगरेशनमध्ये उपलब्ध आहे.
महिंद्रा थार रिअर-व्हील-ड्राइव्हच्या किमती
- AX (O) डिझेल – रु. ९.९९ लाख
- LX डिझेल – रु. ११.४९ लाख (पूर्वी रु. १०.९९)
- LX पेट्रोल AT – रु. १३.४९ लाख
हेही वाचा – दमदार लूकसह आली देशातील सर्वात स्वस्त ADAS कार..! प्रवास होणार आणखी सुरक्षित; जाणून घ्या किंमत
Mahindra Thar RWD व्हर्जन एव्हरेस्ट व्हाईट आणि ब्लेझिंग ब्रॉन्झ या दोन रंगांच्या पर्यायांमध्ये उपलब्ध आहे. थार RWD ची किंमत ४×४ आवृत्तीपेक्षा सुमारे ४ लाख रुपये कमी आहे. महिंद्रा थार RWD आवृत्ती १.५-लीटर टर्बो डिझेल इंजिनसह येते तर ४×४ आवृत्तीमध्ये २.२L इंजिन मिळते. कमी उर्जा असलेले डिझेल इंजिन थर RWD ला उप-४ मीटर वाहनांवर GST लाभांच्या कक्षेत आणते. यात ६-स्पीड मॅन्युअल गिअरबॉक्स आहे, हे इंजिन ११७bhp पॉवर आणि ३००Nm टॉर्क जनरेट करते.
🚘Mahindra Thar RWD Gets Costlier – price hike 50k -LX HT Diesel MT variant. So, why did the LX Diesel MT variant get a price hike❓
Power- 1.5-litre engine – 117 PS of max power & 300 Nm of peak torque. Petrol variant – 2.0L mStallion motor that makes 150 PS & 320 Nm.
1/2 pic.twitter.com/JCxadKCbsZ— RushLane (@rushlane) March 3, 2023
त्याचा टर्बो पेट्रोल RWD प्रकार फक्त ६-स्पीड टॉर्क कन्व्हर्टर ऑटोमॅटिक गिअरबॉक्ससह येतो. २L टर्बोचार्ज केलेले पेट्रोल इंजिन १५०PS आणि ३२०Nm टॉर्क जनरेट करण्यास सक्षम आहे. वैशिष्ट्यांच्या बाबतीत, थार RWD ला पॉवर्ड ORVM, टचस्क्रीन इन्फोटेनमेंट युनिट, क्रूझ कंट्रोल, इलेक्ट्रॉनिक स्टॅबिलिटी प्रोग्राम, ऑल-टेरेन टायर्ससह १८-इंच अलॉय व्हील मिळतात.