गौतम अदानी यांची संपत्ती एवढ्या वेगाने कशी वाढली?

मुकेश अंबानींना मागे टाकून उद्योगपती गौतम अदानी आता भारत आणि आशियातील सर्वात श्रीमंत व्यक्ती बनले आहेत. इतकेच नाही, तर अदानी (Gautam Adani The Richest Man in Asia) यांनी जगातील अब्जाधीशांच्या यादीत मोठी झेप घेतली असून ते 12 व्या स्थानावर पोहोचले आहेत. गौतम अदानी यांच्या संपत्तीतही प्रचंड वाढ झाली आहे. त्याच्या संपत्तीत 24 तासांत 7.6 अब्ज डॉलर्सची वाढ झाली आहे.

अब्जाधीशांच्या यादीत मुकेश अंबानी 12व्या स्थानावरून 13व्या स्थानावर घसरले आहेत. ब्लूमबर्ग बिलियनर्स इंडेक्सनुसार, अंबानींची संपत्ती 97 अब्ज डॉलर्स आहे. गेल्या 34 तासांत त्यांची एकूण संपत्ती 665 मिलियन डॉलर्सने वाढली आहे.

अदानींची एकूण संपत्ती

अदानी समूहाचे मालक आणि आता भारतातील सर्वात श्रीमंत अदानी अब्जाधीशांच्या यादीत 12व्या क्रमांकावर आले आहे. गुरुवारपर्यंत ते या यादीत 14व्या क्रमांकावर होते, मात्र 24 तासांत त्यांनी केलेल्या प्रचंड कमाईमुळे त्यांच्या नेट वर्थमध्ये चांगली वाढ झाली आणि ते 14व्या स्थानावरून 12व्या स्थानावर पोहोचले. ब्लूमबर्ग बिलियनेअर्स इंडेक्सनुसार, अदानी यांची एकूण संपत्ती 97.6 अब्ज झाली आहे.

अदानींची संपत्ती एवढ्या वेगाने का वाढली?

अदानी-हिंडेनबर्ग प्रकरणात सर्वोच्च न्यायालयाच्या निर्णयानंतर अदानी यांच्या कंपन्यांच्या शेअर्समध्ये वाढ होताना दिसत आहे, त्यामुळे कंपनीचे मूल्य वाढत आहे. अशा परिस्थितीत अदानी यांच्या संपत्तीतही वाढ झाली आहे. याप्रकरणी सेबीचा तपास योग्य मार्गावर असल्याचे सर्वोच्च न्यायालयाने म्हटले होते. तसेच, बाजार नियामक सेबीला 24 पैकी उर्वरित 2 प्रकरणांची चौकशी करण्यासाठी आणखी 3 महिन्यांची मुदत देण्यात आली आहे.

हेही वाचा – IndiGo कडून ग्राहकांना खुशखबर! विमान तिकीटात होणार कपात

अदानी समूहाचे शेअर्स वाढले

गेल्या दोन दिवसांच्या वाढीसोबतच शुक्रवारी अदानी समूहाच्या शेअर्समध्येही जोरदार वाढ दिसून आली. BSE वर ACC सिमेंटचे शेअर्स 3.20% वाढून 2,352 रुपये प्रति शेअर झाले. यासह अदानी पोर्ट सुमारे 3 टक्के, अदानी पॉवर 2 टक्के, अदानी टोटल गॅस 2 टक्के, अदानी विल्मर शेअर 0.12 टक्के, अंबुजा सुमारे 3 टक्के, तर अदानी एंटरप्रायझेसचे शेअर्स 0.18 टक्क्यांनी घसरले. याशिवाय अदानी एनर्जी सोल्युशन्स 0.41% आणि अदानी एनर्जी 0.43% घसरले.

‘वाचा मराठी’चे व्हॉट्सॲप चॅनेल येथे फॉलो करा!

‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!

वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!

‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!