Rajinikanth : साऊथ सुपरस्टार रजनीकांत वयाच्या 72व्या वर्षीही बॉक्स ऑफिसवर कमाल करत आहेत. सध्या ते त्यांच्या नुकत्याच प्रदर्शित झालेल्या ‘जेलर’ या चित्रपटाशिवाय आणखी एका मुद्द्यामुळे चर्चेत आहेत. अलीकडेच रजनीकांत लखनऊला गेले होते, जिथे त्याने उत्तर प्रदेशचे मुख्यमंत्री योगी आदित्यनाथ यांची भेट घेतली. या भेटीदरम्यान त्यांनी आदित्यनाथ यांचे पायही स्पर्श केले. हे फोटो आणि व्हिडिओ सोशल मीडियावर व्हायरल झाल्यानंतर एकच गोंधळ सुरू झाला. यानंतर रजनीकांत यांनी स्पष्टीकरण दिले.
72 वर्षीय रजनीकांत यांनी 51 वर्षीय मुख्यमंत्री योगी आदित्यनाथ यांच्या पायाला स्पर्श केल्याचे पाहून युजर्सना ते अजिबात पचनी पडले नाही. सोशल मीडियावर हे प्रकरण तापले तर आता रजनीकांत यांनी या संपूर्ण प्रकरणावर प्रतिक्रिया दिली आहे.
नुकतेच रजनीकांत चेन्नई विमानतळावर दिसले. या प्रकरणी पत्रकारांनी त्यांना प्रश्न विचारला, त्यानंतर रजनीकांत यांनी या प्रकरणावर मौन सोडले आणि सीएम योगींच्या पायाला स्पर्श करण्यामागचे कारण उघड केले. रजनीकांत म्हणाले, ”ही माझी एक सवय आहे. योगी असो वा संन्यासी… माझ्यापेक्षा वयाने लहान असले तरी त्यांच्या चरणांना स्पर्श करून त्यांचा आशीर्वाद घेण्याची माझी सवय आहे. म्हणूनच मी तेच केले.”
हेही वाचा – Gold Silver Price Today : आता ग्राहक खूश होतील! सोन्याच्या किमतीत घसरण, लगेच करा खरेदी
नुकतेच रजनीकांत बाबा बद्री विशालचे दर्शन घेतल्यानंतर थेट लखनऊला पोहोचले. तेथे त्यांनी प्रथम उपमुख्यमंत्री केशव प्रसाद मौर्य यांची भेट घेतली. यादरम्यान मंत्र्यांसाठी रजनीकांत यांच्या ‘जेलर’ चित्रपटाचे स्पेशल स्क्रीनिंगही आयोजित करण्यात आले होते. यासोबतच त्यांनी अयोध्येत प्रभू श्रीरामाचे दर्शन घेतले आणि त्यानंतर अखिलेश यादव यांचीही भेट घेतली. रजनीकांत यांचा हा दौरा खूप चर्चेत आहे.
‘जेलर’ चित्रपट बॉक्स ऑफिसवर चांगली कमाई करत आहे. 10 ऑगस्ट रोजी रिलीज झालेल्या रजनीकांत यांच्या चित्रपटाने आतापर्यंत 550 कोटींहून अधिक कमाई केली आहे.
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!