चुकून बँक अकाऊंटमध्ये लाखो रुपये आले आणि ते काढले तर काय होईल?

तुमच्या खात्यात कधी चुकून पैसे (Mistaken Payments In Marathi) आले आहेत का? अलीकडेच एक प्रकरण समोर आलं आहे, ज्यात बँकेने चुकून एका व्यक्तीच्या खात्यात 26 लाख रुपये पाठवले आणि आता ती व्यक्ती बँकेत पैसे परत करण्यास नकार देत आहे. या व्यक्तीने त्याच्या खात्यातून सर्व पैसे काढले आहेत. हे प्रकरण उत्तर प्रदेशातील नोएडा येथील आहे. बँकेने या व्यक्तीकडे पैसे परत मागितले, मात्र ही व्यक्ती पैसे देण्यास तयार नाही.

बँकेने या व्यक्तीवर 26,15,905 रुपयांचा गंडा घातल्याचा आरोप करत गुन्हा दाखल केला आहे. तुमच्यासोबत असे कधी घडले तर काय करावे किंवा तुम्ही चुकून चुकीच्या खात्यात पैसे ट्रान्सफर केले, तर तुम्हाला ते कसे परत मिळणार?

वकिलांच्या म्हणण्यानुसार, जर तुम्ही चुकून एखाद्याच्या खात्यात पैसे ट्रान्सफर केले असतील तर त्याचा अर्थ असा नाही की तो तुमच्या पैशाचा मालक झाला आहे. अशा परिस्थितीत जर त्या व्यक्तीने पैसे खर्च केले तर त्याच्यावर आयपीसी कलम 406 अंतर्गत कारवाई होऊ शकते. याशिवाय या व्यक्तीला 1 ते 3 वर्षांचा तुरुंगवास किंवा दंडही होऊ शकतो. त्याचबरोबर दोन्ही शिक्षाही होऊ शकतात.

रिझर्व्ह बँकेचा नियम काय आहे?

रिझर्व्ह बँक ऑफ इंडियाच्या म्हणण्यानुसार, अनेक वेळा लोक ऑनलाइन पैसे ट्रान्सफर करताना अशा प्रकारची चूक करतात. किंवा पैसे चुकीच्या खात्यात ट्रान्सफर केले जातात. त्यामुळे अशा परिस्थितीत तुम्ही बँकेकडे तक्रार करू शकता. यानंतर, तुम्हाला तुमचे पैसे 48 तासांच्या आत मिळतील. या परिस्थितीत, ग्राहकांनी देखील त्यांच्या सेवा प्रदात्याकडे तक्रार करावी. तुम्ही ज्या माध्यमाद्वारे पैसे हस्तांतरित केले आहेत त्या माध्यमाच्या ग्राहक सेवा क्रमांकावर कॉल करा.

हेही वाचा – जगातील सर्वात थंड शहर! मायनस 58 डिग्री तापमान, तरीही लोक इथे राहतात!

या संदर्भात एसबीआयनेही माहिती दिली आहे, ज्यामध्ये असे सांगण्यात आले आहे की, बँकेच्या शाखेत ग्राहकांच्या समस्येचे निराकरण झाले नाही, तर ग्राहक https://crcf.sbi.co.in/ccfunder वर तक्रार करू शकतात. UPI किंवा नेट बँकिंगद्वारे चुकीच्या खात्यात पैसे भरले असल्यास, तुम्ही टोल फ्री क्रमांक 18001201740 वर संपर्क साधू शकता. येथे तुम्ही तुमची तक्रार नोंदवू शकता.

‘वाचा मराठी’चे व्हॉट्सॲप चॅनेल येथे फॉलो करा!

‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!

वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!

‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!