Property Investment : आजकाल लोक गुंतवणुकीबाबत खूप सजग झाले आहेत आणि गुंतवणूक करण्यात मागे राहिलेले नाहीत. प्रॉपर्टीमध्ये गुंतवणूक करणे लोकांना आवडते. मालमत्तेत केलेल्या गुंतवणुकीमुळे लोकांना दीर्घ मुदतीत चांगला परतावा मिळू शकतो. त्याचबरोबर लोकांचा कलही आलिशान मालमत्तेकडे जास्त असल्याचे दिसून येत आहे. आलिशान घरे घेण्यासाठी लोकांमध्ये कमालीची उत्सुकता आहे आणि आता मुंबईतील धक्कादायक आकडेवारी याची साक्ष देत आहेत.
आलिशान घरांची खरेदी
मुंबईत लोक आलिशान घरे खरेदी करत आहेत. मुंबईत, 10 कोटी रुपयांपेक्षा जास्त किंमतीच्या घरांच्या विक्रीत चालू वर्षाच्या पहिल्या सहा महिन्यांत, जानेवारी-जूनमध्ये 49 टक्क्यांनी वाढ झाली आहे. मूल्याच्या दृष्टीने हा आकडा 11,400 कोटी रुपये होता. इंडिया सोथबीज इंटरनॅशनल रियल्टी आणि सीआरई मॅट्रिक्सच्या अहवालात ही माहिती देण्यात आली आहे.
हेही वाचा – EPFO : साडेसहा कोटी लोकांसाठी खुशखबर, मोदी सरकारची PF संदर्भात मोठी घोषणा!
विक्री वाढली
अहवालानुसार, 10 कोटींवरील घरांची एकूण विक्री एक वर्षापूर्वी याच कालावधीत 7,660 कोटी रुपये होती. मुंबईतील लक्झरी अपार्टमेंट्सची मागणी प्रामुख्याने उद्योगपती, बॉलीवूड सेलिब्रिटी आणि उच्च पगारदार कर्मचाऱ्यांकडून आल्याचे अहवालात म्हटले आहे. इंडिया सोथबीचे इंटरनॅशनल रियल्टीचे व्यवस्थापकीय संचालक अमित गोयल म्हणाले की, पहिल्या सहामाहीत आलिशान घरांच्या विक्रीत झालेली तेजी उद्योगाच्या दृष्टिकोनातून सकारात्मक आहे.
मालमत्तेत गुंतवणूक
दुसरीकडे, दीर्घ मुदतीसाठी मालमत्तेत गुंतवणूक केली, तर चांगला परतावा मिळण्याची आशा आहे. कोविडनंतर पुन्हा एकदा मालमत्तेच्या किमतीत वाढ होताना दिसत आहे. त्याच वेळी, नोएडा आणि गुरुग्राम सारख्या शहरांमधील मालमत्तेच्या किमती मागील वर्षांच्या तुलनेत वाढल्या आहेत आणि तज्ञांचे म्हणणे आहे की हे क्षेत्र आगामी काळात भरभराटीला येऊ शकते.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!