Delhi Coaching Center Flood Tragedy : दिल्लीच्या जुन्या राजेंद्र नगर भागात 27 जुलै 2024 रोजी झालेल्या मुसळधार पावसामुळे कोचिंग सेंटरच्या बेसमेंटमध्ये पाणी आल्याने सिव्हिल सर्व्हिसेस परीक्षेची तयारी करणाऱ्या 3 विद्यार्थ्यांचा मृत्यू झाला. या अपघाताबाबत बरेच राजकारण होत आहे. दुसरीकडे विद्यार्थी सरकारवर जोरदार हल्लाबोल करत आहेत. मात्र, बेसमेंट 3 मिनिटांत 12 फूट पाण्याने कसे भरले, हा सर्वात मोठा प्रश्न आहे.
देशाच्या कानाकोपऱ्यातून कोचिंगसाठी दिल्लीत आलेल्या विद्यार्थ्यांच्या डोळ्यांनी काय काय पाहिलं असेल, याची कल्पनाही करता येत नाही. मात्र राजधानीत एवढ्या मोठ्या घटनेनंतर दिल्लीतील कोचिंग सेंटर्स सुरक्षित का नाहीत, असा प्रश्नही उपस्थित होत आहे.
पाणी कसे भरले?
दिल्लीत त्या दिवशी मुसळधार पावसामुळे बाहेरील रस्त्यावर पाणी साचले होते. राऊस आयएएस स्टडी सर्कल (Rau’s IAS Coaching Centre) बडा बाजार मार्ग, जुने राजेंद्र नगर येथील 11-बी मध्ये आहे. नागरी सेवा परीक्षेच्या तयारीसाठी दुसऱ्या आणि तिसऱ्या मजल्यावर प्रशिक्षण दिले जाते. कोचिंग सेंटरमध्ये सकाळी आठ ते रात्री आठपर्यंत सुमारे 600 ते 700 विद्यार्थी शिक्षणासाठी येतात. तळघरात एक लायब्ररी आहे, त्यात विद्यार्थी अभ्यास करत असतात.
शनिवारी सायंकाळी बेसमेंटमधील लायब्ररीत 35 विद्यार्थी अभ्यास करत होते. मुसळधार पावसामुळे कोचिंग सेंटरसमोरील मुख्य रस्त्यावर पाणी साचले होते. ते कोचिंग सेंटरच्या बेसमेंटमध्ये येऊ लागले. त्यादरम्यान एक हायस्पीड थार गेल्याने बेसमेंटचे गेट दाबाने तुटले, त्यामुळे पाणी तळघरात वाहू लागले, असे सांगण्यात येते. जवळच्या गटाराचे पाणीही तळघरात ओसंडून वाहू लागले, त्यामुळे तळघरातील पाण्याची पातळी झपाट्याने वाढली.
बाकीचे विद्यार्थी कसेबसे बचावले, मात्र एक मुलगा आणि दोन मुली अडकले. सुरुवातीला कोचिंग सेंटरच्या व्यवस्थापनाने विद्यार्थ्यांना वाचवण्याचा प्रयत्न केला, मात्र नंतर काही होत नसल्याचे पाहून या प्रकरणाची माहिती पोलीस आणि अग्निशमन विभागाला देण्यात आली. तळघरात अंधार असल्याने बचाव कार्यात मोठी अडचण येत होती. परिस्थिती गंभीर होत असल्याचे पाहून एनडीआरएफच्या टीमला पाचारण करण्यात आले. पंपांच्या मदतीने तळघरातील पाणी काढण्याबरोबरच एनडीआरएफचे गोताखोर तळघरात घुसले आणि विद्यार्थ्यांचा शोध सुरू केला. त्यानंतर काही तासांतच दोन्ही विद्यार्थिनींचे मृतदेह बाहेर बाहेर काढण्यात आले.
Delhi: Outside visuals from the IAS coaching center in Old Rajinder Nagar where three students lost their lives after the basement was filled with water yesterday.#RajendraNagar #RAUS pic.twitter.com/rZRaFEl1VP
— Live Dunia (@LiveDuniaa) July 28, 2024
ऑगस्ट महिन्यात एकूण 13 दिवस बँका बंद, लगेच आटपून घ्या कामं!
प्रत्यक्षदर्शी विद्यार्थ्याने सांगितले, पाणी भरल्यानंतर बहुतांश विद्यार्थी निघून गेले. मी शेवटचा विद्यार्थी होतो. माझ्या मागे दोन मुली होत्या ज्यांना जाता येत नव्हते. कारण काही मिनिटांतच ते 12 फूट पाण्याने भरले होते. गेटमधून जास्त दाबाने पाणी येत होते. पाण्याचा दाब जास्त असल्याने विद्यार्थ्याला जिने चढण्यास त्रास होत होता. पाच मिनिटांत संपूर्ण बेसमेंट छतापर्यंत पाण्याने भरले. बेसमेंटच्या छताची उंची 12 फूट आहे. आम्हाला वाचवण्यासाठी दोरी फेकण्यात आली, पण घाण पाण्यात दोरी दिसत नव्हती.
Just imagine that SCUBA divers of NDRF are needed for rescuing the person from RAUS IAS institute.
— Divyanshu Singh Yadav (@Divyanshusy) July 27, 2024
This building is totally against rule there should be a inquiry about the people who have granted permission to run this building pic.twitter.com/vOfBNKFBSQ
दिल्लीत कोचिंग सेंटर्स सुरक्षित का नाहीत?
2023 मध्ये दिल्ली अग्निशमन सेवा म्हणजेच DFS आणि MCD नुसार, करोल बाग, कटवारिया सराय, कालू-सराय आणि मुखर्जी नगर येथील केंद्रे सुरक्षित नाहीत. याचे कारणही सरकारला माहीत आहे. दिल्लीत एकूण 583 कोचिंग इन्स्टिट्यूट चालू आहेत, त्यापैकी फक्त 67कडेच अग्निसुरक्षा प्रमाणपत्र आहे. शहरात एकूण 461 कोचिंग सेंटर फायर सेफ्टीशिवाय चालतात. कोचिंग संस्था “आवश्यक आग प्रतिबंधक आणि अग्नि सुरक्षा उपाय” मार्गदर्शक तत्त्वे पाळत नाहीत.
अनेक कोचिंग सेंटर्स अशा इमारतींमध्ये चालतात, ज्या स्ट्रक्चरल सुरक्षा मानकांची पूर्तता करत नाहीत. या भागात अरुंद आणि गर्दीचे रस्ते आहेत. अनेक कोचिंग सेंटरमध्ये एकच जिना आहे. केंद्रावर विद्यार्थ्यांची गर्दी असते. एका खोलीत आवश्यकतेपेक्षा जास्त विद्यार्थी आहेत, मात्र सर्व माहिती असूनही ना शासनाकडून कोणतीही कारवाई केली जात नाही ना अधिकारीच दखल घेतात.
व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!