ITR Filing : आर्थिक वर्ष 2022-23 म्हणजेच मूल्यांकन वर्ष 2023-24 साठी प्राप्तिकर विवरणपत्र भरण्याची अंतिम तारीख 31 जुलै 2023 आहे. अशा परिस्थितीत आयकर रिटर्न (ITR) भरण्यासाठी आता जवळपास 48 तास शिल्लक आहेत. दरम्यान, प्राप्तिकर विभागाने ट्वीट केले आहे की, आतापर्यंत 5 कोटी आयटीआर दाखल करण्यात आले आहेत.
आयकर विभागाने ट्विटरवर सांगितले की, 27 जुलै 2023 पर्यंत 5.03 कोटी आयटीआर दाखल करण्यात आले. यापैकी सुमारे 4.46 कोटी म्हणजेच 88 टक्क्यांहून अधिक ऑनलाइन पडताळणी करण्यात आली आहे.
शनिवार आणि रविवारीही सेवा उपलब्ध
ऑनलाइन सत्यापित ITR पैकी, 2.69 कोटी पेक्षा जास्त परताव्यांची प्रक्रिया झाली आहे. आयकर विभागाच्या म्हणण्यानुसार, त्यांचे हेल्प डेस्क आयटीआर दाखल करण्यात मदत करण्यासाठी चोवीस तास सेवा देत आहे. विभागाने म्हटले आहे की, आम्ही 31 जुलै 2023 पर्यंत सेवा देत राहू. शनिवार आणि रविवारीही सेवा उपलब्ध करून दिली जाईल.
हेही वाचा – WI Vs IND 2nd Test : वेस्ट इंडिजने टॉस जिंकला, विराट, रोहित टीमबाहेर!
तारीख वाढवणार?
शेवटची तारीख वाढवण्याबाबत सरकारकडून अद्याप कोणतेही वक्तव्य आलेले नाही. मात्र, या वेळी आयटीआर भरण्याच्या शेवटच्या तारखेत कोणतीही वाढ होणार नाही, असे सातत्याने सांगितले जात आहे. महसूल सचिव संजय मल्होत्रा यांनी गेल्या आठवड्यात सांगितले होते की, अडचणी कितीही आल्या तरी शेवटची तारीख वाढवली जाणार नाही.
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!