Rinku Singh vs Mitchell Starc | सर्व संघ आयपीएल 2024 साठी तयारी करत आहेत. नेट सत्र आणि सराव सत्रानंतर आता संघांचे इंट्रा स्क्वॉड मॅच सुरू आहे. कोलकाता नाईट रायडर्स म्हणजेच KKR ने मंगळवार 19 मार्च रोजी इंट्रा स्क्वॉड मॅच आयोजित केली होती. यादरम्यान डावखुरा फलंदाज रिंकू सिंहने 24.75 कोटी रुपये मिळालेला आपल्याच संघाचा वेगवान गोलंदाज मिचेल स्टार्कला षटकार ठोकला. त्याचा व्हिडिओ सध्या सोशल मीडियावर व्हायरल होत आहे.
आयपीएल 2024 च्या लिलावात मिचेल स्टार्कला KKR ने 24.75 कोटी रुपयांना विकत घेतले होते. स्टार्कने शेवटच्या षटकात लेन्थ पुढे ठेवण्याचा प्रयत्न केला आणि रिंकू सिंहला चेंडू थोडा फुलटॉस असल्याचे लक्षात येताच त्याने तो त्याच्याच शैलीत स्क्वेअर लेगच्या दिशेने पाठवला. या चेंडूवर त्याने षटकार लगावला. त्याचा व्हिडिओ केकेआरच्या एका चाहत्याने शेअर केला आहे.
कोलकाता नाईट रायडर्सला आयपीएल 2024 मध्ये त्यांचा पहिला सामना शनिवार 23 मार्च रोजी सनरायझर्स हैदराबादविरुद्ध खेळायचा आहे. हा सामना कोलकात्याच्या ईडन गार्डन्स स्टेडियमवर होणार आहे. या सामन्यासाठी केकेआर झंझावाती पद्धतीने तयारी करत आहे.
हेही वाचा – आयपीएल 2024 मध्ये ‘नवीन’ नियम…! पंच आणि गोलंदाजांना दिलासा
KKR च्या या इंट्रा-स्क्वॉड मॅचमध्ये मिचेल स्टार्कने विकेट्सही घेतल्या. सुरुवातीलाच एका फलंदाजाला एलबीडब्ल्यू आऊट करून त्याने समोरच्या संघाला दणका दिला. मात्र, हा सामना फलंदाजीत रिंकू सिंहच्या नावावर ठरला. त्याने विरोधी संघाविरुद्ध अनेक मोठे फटके मारले. त्याने टी-20 आंतरराष्ट्रीय क्रिकेटमध्ये भारतासाठी पदार्पण केले आहे, त्यामुळे या मोसमात त्याचे मनोबल नक्कीच उंचावले असेल.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!