IPL 2024 DC vs MI : फिरोजशाह कोटलावर झालेल्या आयपीएलमधील हाय-स्कोरिंग सामन्यात दिल्ली कॅपिटल्सने मुंबई इंडियन्सचा धावांनी पराभव केला आहे. टॉस गमावलेल्या दिल्लीने प्रथम बॅटिंग करताना मुंबईसमोर 20 षटकात 4 बाद 257 धावा उभारल्या. प्रत्युत्तरात मुंबई इंडियन्सनेही जबरदस्त फलंदाजी केली, पण हे आव्हान त्यांना पेलवले नाही. मुंबईला 20 षटकात 9 बाद 247 धावांपर्यंत पोहोचता आले. मुंबईकडून तिलक वर्माने 63 धावांची झुंज दिली. कप्तान हार्दिक पांड्याने 46, टिम डेव्हिडने 37 धावा केल्या. दिल्लीकडून मुकेश कुमारने सर्वाधिक 3 विकेट्स घेतल्या.
तत्पूर्वी, मुंबईने नाणेफेक जिंकून प्रथम गोलंदाजी करण्याचा निर्णय घेतला. दिल्लीने मुंबईविरुद्ध 20 षटकांत 4 गडी गमावून 257 धावा केल्या. आयपीएलच्या इतिहासात दिल्लीने केलेली ही सर्वोच्च धावसंख्या आहे. जॅक फ्रेझर मॅकगर्कने डावाच्या सुरुवातीला चौकार आणि षटकारांची आतषबाजी केली. त्याने पोरेलसोबत पहिल्या विकेटसाठी 114 धावांची भागीदारी केली. यानंतर स्टब्स आणि पंतही मागे राहिले नाहीत. दोघांमध्ये 55 धावांची भागीदारी झाली. मॅकगर्कने 27 चेंडूत 11 चौकार आणि 6 षटकारांसह 84 धावा फटकावल्या. अभिषेक पोरेलने 36, शाई होपने 41, कप्तान ऋषभ पंतने 29 आणि ट्रिस्टन स्टब्सने नाबाद 48 धावा केल्या.
हेही वाचा – भाजपकडून उज्ज्वल निकम यांना उमेदवारी, मुंबई उत्तर मध्यमधून पूनम महाजन यांचा पत्ता कट!
दोन्ही संघांची Playing 11
दिल्ली कॅपिटल्स – जेक फ्रेझर-मॅकगर्क, कुमार कुशाग्र, शाय होप, ऋषभ पंत (विकेटकीपर/कप्तान), ट्रिस्टन स्टब्स, अभिषेक पोरेल, अक्षर पटेल, कुलदीप यादव, लिझाद विल्यम्स, मुकेश कुमार, खलील अहमद.
मुंबई इंडियन्स – रोहित शर्मा, इशान किशन (विकेटकीपर), तिलक वर्मा, नेहल वढेरा, हार्दिक पंड्या (कप्तान), टीम डेव्हिड, मोहम्मद नबी, पीयुष चावला, ल्यूक वूड, जसप्रीत बुमराह, नुवान तुषारा.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा