IndiGo Airline Offer : सुट्टीचा हंगाम जवळ येताच विमान तिकिटांवर ऑफर्सचा पाऊस सुरू झाला आहे. इंडिगो एअरलाइनने (IndiGo) देशांतर्गत आणि आंतरराष्ट्रीय फ्लाइट्सवर हिवाळी विक्रीची घोषणा केली आहे. एअरलाइनने सांगितले आहे की, तीन दिवसांसाठी इंडिगोच्या 6E नेटवर्कवर हिवाळी विक्रीचा लाभ घेता येईल. कंपनीच्या म्हणण्यानुसार, हा सेल २३ डिसेंबर ते २५ डिसेंबर २०२३ पर्यंत चालेल. एअरलाइन देशांतर्गत उड्डाणांसाठी २०२३ रुपये आणि आंतरराष्ट्रीय उड्डाणांसाठी ४९९९ रुपयांपासून भाडे ऑफर करेल.
तुम्ही प्रवास कधी करू शकाल?
इंडिगो एअरलाईननुसार, हे सेल १५ जानेवारी २०२३ ते १४ एप्रिल २०२३ या कालावधीत प्रवासासाठी तिकीट बुक करू शकतात. इंडिगोचे ग्लोबल सेल्स हेड विनय मल्होत्रा यांच्या मते, विमान वाहतूक क्षेत्रातील सुधारणांचा उत्सव साजरा करण्याच्या उद्देशाने हे पाऊल उचलण्यात आले आहे. ते म्हणाल, ”आम्ही २०२३ मध्ये प्रवेश करत आहोत. मोठ्या संख्येने लोक विमानाने प्रवास करत आहेत. म्हणूनच आम्ही या सुट्टीच्या मोसमात विमान वाहतूक क्षेत्रात चांगली सुधारणा साजरी करत आहोत आणि देशांतर्गत आणि आंतरराष्ट्रीय दोन्ही मार्गांवर हिवाळी विक्रीची घोषणा करत आहोत. ही ऑफर आमच्या विस्तृत नेटवर्कवर परवडणारे भाडे, वेळेवर वितरण, विनम्र आणि त्रासमुक्त सेवा प्रदान करण्याच्या इंडिगोच्या वचनबद्धतेला बळकटी देते.”
हेही वाचा – UPSC Interview Questions : तुम्हाला माहितीये Password ला हिंदीत काय म्हणतात?
– @IndiGo6E introduces #Winter Sale between Dec 23-25
– #Airlines will offer fares starting Rs 2,023 for domestic #Flights
– For International Travel from Rs 4,999
– Sale is valid on #travel from January 15, 2023, to April 14, 2023@ZeeBusiness @ZeeNews @Girijeshk pic.twitter.com/wS4POffkle
— Ambarish Pandey (@pandeyambarish) December 23, 2022
कॅशबॅक फायदे
२९० विमानांच्या ताफ्यासह, एअरलाइन प्रतिदिन १६०० पेक्षा जास्त उड्डाणे चालवत असल्याचा दावा करते. इंडिगो ७६ देशांतर्गत आणि २६ आंतरराष्ट्रीय गंतव्ये जोडते. एअरलाइननुसार, ऑफर अंतर्गत मर्यादित यादी उपलब्ध आहे. त्यामुळे ग्राहकांना सवलत उपलब्धतेच्या अधीन राहून आणि इंडिगोच्या विवेकबुद्धीनुसार दिली जाईल. शिवाय, ही ऑफर इंडिगोच्या देशांतर्गत आणि आंतरराष्ट्रीय नेटवर्कवरील विविध क्षेत्रांवरील नॉन-स्टॉप फ्लाइट्सवरच वैध आहे. याव्यतिरिक्त, ग्राहक इंडिगोच्या भागीदार बँक HSBC कडून कॅशबॅक देखील घेऊ शकतात.
एअरलाइनने पुढे सांगितले की ही ऑफर इतर कोणत्याही ऑफर, योजना किंवा जाहिरातीसोबत जोडली जाऊ शकत नाही. तसेच, ही ऑफर इंडिगोच्या ग्रुप बुकिंगवर वैध नाही. ही ऑफर नॉन-हस्तांतरणीय, नॉन-एक्सचेंज करण्यायोग्य आणि नॉन-एनकॅश करण्यायोग्य आहे.
प्रवाशांच्या संख्येत वाढ
पीटीआयच्या ताज्या अहवालानुसार, ऑक्टोबरमध्ये १.१४ कोटी प्रवाशांनी इंडियन एअरलाइन्सने प्रवास केला. सप्टेंबरमधील विमान प्रवाशांच्या तुलनेत ही संख्या १० टक्के अधिक आहे. नागरी विमान वाहतूक महासंचालनालयाने (DGCA) जारी केलेल्या आकडेवारीनुसार ऑक्टोबरमध्ये देशांतर्गत हवाई वाहतूक जवळपास २७ टक्क्यांनी वाढून ११४.०७ लाख झाली, जी एका वर्षापूर्वी ८९.८५ लाख होती.