Indian Railways : जेव्हा लांब पल्ल्याच्या प्रवासाचा प्रश्न येतो तेव्हा लोक ट्रेनमधून प्रवास करण्यास प्राधान्य देतात. ट्रेनमधला फायदा म्हणजे तुम्ही झोपून किंवा सीटवर बसून आरामात प्रवास करू शकता. यासाठी लोक महिनोनमहिने आधीच तिकीट बुक करून घेतात. मात्र, गाड्यांमध्ये अनेकदा आढळणाऱ्या अस्वच्छतेमुळे संताप व्यक्त करणारे अनेक जण आहेत.
भारतातील सर्वात स्वच्छ ट्रेन
अशा परिस्थितीत, जर तुम्हाला सांगितले गेले की भारतात ५ ट्रेन आहेत, ज्या स्वच्छतेच्या बाबतीत नंबर-१ आहेत. तुम्हाला या गाड्यांमध्ये थोडीशी घाणही सापडणार नाही आणि आतील भागही अतिशय आकर्षक आहेत. या गाड्यांच्या या गुणांमुळे त्यामध्ये बुकिंगसाठी चढाओढ लागली आहे. आज आम्ही तुम्हाला त्या ३ गाड्यांबद्दल सविस्तर माहिती देऊ. आम्हाला आशा आहे की या गाड्यांबद्दल जाणून घेतल्यानंतर, तुम्हालाही एकदा तरी त्यात प्रवास करायला आवडेल.
IRCTC ने केले होते हे सर्वेक्षण
अहवालानुसार, रेल्वे मंत्रालयाच्या अंतर्गत येणाऱ्या IRCTC ने स्वच्छ भारत-स्वच्छ रेल मिशन अंतर्गत देशभरात धावणाऱ्या ट्रेनचे सर्वेक्षण केले होते. या सर्वेक्षणात विविध श्रेणींमध्ये धावणाऱ्या २०९ गाड्यांचा समावेश करण्यात आला होता. सर्वेक्षणात स्वच्छतेच्या विविध मानकांच्या आधारे १००० गुण निश्चित करण्यात आले.
हेही वाचा – Mobile Recharge Plan : १४१ रुपयांचा रिचार्ज प्लॅन..! वर्षभर चालणार, मोफत कॉलिंग, दररोज १ GB फ्री इंटरनेट
दोन गटात घेण्यात आली स्पर्धा
या सर्वेक्षणात राजस्थान, पंजाब, गुजरातमध्ये धावणाऱ्या ट्रेन्स ८६० गुणांसह ‘प्रिमियम श्रेणी’मध्ये सर्वात स्वच्छ असल्याचे आढळले. ‘प्रीमियम श्रेणी’मध्ये शताब्दी, राजधानी, दुरांतो, तेजस आणि गतिमान एक्सप्रेस गाड्यांचा समावेश आहे. दुसरीकडे, ‘नॉन-प्रिमियम श्रेणी’मध्ये, दक्षिण रेल्वे झोन ७३६ गुणांसह प्रथम क्रमांकावर होता. म्हणजेच दक्षिण भारतात धावणाऱ्या गाड्या ‘नॉन प्रिमियम श्रेणी’मध्ये सर्वात स्वच्छ असल्याचे दिसून आले. संपर्क क्रांती, आंतर शहर, जनशताब्दी आणि इतर एक्स्प्रेस गाड्यांचा या श्रेणीत समावेश आहे.
या गाड्यांमध्ये सापडत नाही घाण
देशातील सर्वात स्वच्छ ट्रेनचा किताब ‘पुणे-सिकंदराबाद शताब्दी एक्स्प्रेस’ ट्रेनला मिळाला आहे. या ट्रेनला १००० गुणांपैकी ९१६ गुण मिळाले आहेत. ही ट्रेन महाराष्ट्रातील पुण्याहून सुरू होऊन तेलंगणा आणि आंध्र प्रदेशातील सिकंदराबादला पोहोचते. एक्सप्रेस गाड्यांच्या ‘संपर्क क्रांती’ मालिकेतील सर्वात स्वच्छ ट्रेनचा पुरस्कार तामिळनाडू आणि चंदीगड दरम्यान धावणाऱ्या ‘कोचुवेली-चंदीगड संपर्क क्रांती’ ट्रेनला देण्यात आला. या ट्रेनला १००० पैकी ७५४ मार्क मिळाले.
‘बंगळुरू-एर्नाकुलम’ ट्रेन एका शहराला दुसऱ्या शहराला जोडणाऱ्या ‘इंटर सिटी कॅटेगरी’मध्ये अव्वल आहे. ही ट्रेन कर्नाटकातील अनेक शहरांना जोडते. या सर्वेक्षणात IRCTC ने ट्रेनमधून प्रवास करणार्‍या प्रवाशांना त्यांच्याशी टॉयलेट्स, हाउस किपिंग, बेडशीटची साफसफाई आणि सामान्य स्वच्छता यावर त्यांचे मत जाणून घेण्यास सांगितले. याशिवाय थर्ड पार्टी ऑडिट आणि अधिकाऱ्यांच्या अचानक भेटीद्वारे रेल्वेतील स्वच्छतेची स्थिती तपासून रेल्वेच्या विविध झोन आणि गाड्यांना गुण देण्यात आले.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!