Honda Scoopy Scooter Launched : जपानी दुचाकी उत्पादक कंपनी Honda ने नवीन स्कूटर Honda Scoopy लाँच केली आहे. अतिशय आकर्षक लुक आणि मजबूत इंजिन क्षमतेने सजलेल्या या स्कूटरमध्ये अनेक अत्याधुनिक फीचर्सचा समावेश करण्यात आला आहे. या स्कूटरचा लुक आणि डिझाईन खूपच आकर्षक आहे, जी महिला आणि पुरुष दोघांनाही लक्षात घेऊन तयार करण्यात आली आहे. या स्कूटरच्या माध्यमातून तरुण ग्राहकांना टार्गेट करण्याचा कंपनीचा प्रयत्न आहे.
कंपनीने सध्या इंडोनेशियन बाजारात Honda Scoopy लाँच केली आहे. विशेष म्हणजे कंपनीने या नावाचे भारतीय बाजारपेठेतही पेटंट घेतले आहे, त्यामुळे नजीकच्या काळात ते भारतीय बाजारपेठेत लॉन्च केले जाण्याची शक्यता आहे. मात्र, कंपनीकडून अद्याप याबाबत कोणतीही अधिकृत माहिती देण्यात आलेली नाही.
होंडा स्कूपी कशी आहे?
डिझाईनबद्दल बोलायचे झाले तर कंपनीने याला फंकी लुक दिला आहे, जो आजच्या तरुणाईला खूप आवडतो. या स्कूटरला रेट्रो लुकसह प्रगत वैशिष्ट्यांची जोड देऊन तयार करण्यात आले आहे. याला एक मोठा ओव्हल हेडलाइट, एलईडी लाइटिंग आणि लांब आसनासह एक चांगला फुल बोर्ड मिळतो. जे लांब अंतर आरामदायी बनवण्यातही मदत करते. कंपनीचा दावा आहे की तिची सीट पोझिशनिंग जास्त चांगली आहे, जी सिटी राईडसाठी योग्य आहे.
हेही वाचा – Petrol Diesel Price Today : पेट्रोल-डिझेल झालं स्वस्त? जाणून घ्या तुमच्या शहरातील लेटेस्ट रेट
केवळ ९५ किलोच्या या स्कूटरमध्ये कंपनीने अॅनालॉग इन्स्ट्रुमेंट डिस्प्ले दिला आहे जो एलसीडी युनिटसह येतो. यात पुढच्या बाजूला टेलिस्कोपिक फोर्क सस्पेन्शन आणि मागील बाजूस मोनोशॉक सस्पेन्शन आहे. १२-इंच अलॉय व्हील स्कूटरच्या साइड प्रोफाइलला वाढवते. याशिवाय यामध्ये ४.२ लीटर क्षमतेची इंधन टाकी देण्यात आली आहे. या स्कूटरचा लूक खूपच गोंडस आहे आणि तरुणांना ती नक्कीच आवडेल.
पावर आणि परफॉर्मन्स
इंजिनबद्दल बोलायचे झाल्यास, कंपनीने यामध्ये ११० cc क्षमतेचे सिंगल सिलेंडर एअर-कूल्ड इंजिन वापरले आहे, जे ९ bhp पॉवर आणि ९.३ Nm टॉर्क जनरेट करते. CVT गिअरबॉक्सने सुसज्ज असलेल्या या स्कूटरला Honda Activa प्रमाणे स्मार्ट की देखील देण्यात आली आहे. अलीकडेच, Honda मोटरसायकल स्कूटर इंडियाने भारतीय बाजारपेठेत Activa Smart लाँच केले, ज्यामध्ये स्मार्ट की सारख्या प्रगत वैशिष्ट्यांचा समावेश करण्यात आला होता.
किंमत किती?
इंडोनेशियन बाजारात Honda Scoopy ची किंमत २,१६,५३,०० इंडोनेशियन रुपयांवर निश्चित करण्यात आली आहे, जी भारतीय चलनात रूपांतरित केल्यावर सुमारे १.१७ लाख असेल. कंपनीने गेल्या वर्षी भारतीय बाजारात या स्कूटरच्या नावाचे पेटंट घेतले होते. मात्र ही स्कूटर इथल्या मार्केटमध्ये कधी लॉन्च केली जाईल याबाबत कोणतीही माहिती देण्यात आलेली नाही. बर्‍याच वेळा कंपन्यांना फक्त नाव संरक्षित करण्यासाठी पेटंट मिळते, जेणेकरून ते भविष्यात वापरता येईल.