Honda Elevate SUV 2023 : कॉम्पॅक्ट एसयूव्हीची बाजारपेठ वेगाने वाढत आहे. यामुळेच आता जवळपास सर्वच कंपन्यांनी या सेगमेंटमध्ये एंट्री घेतली आहे. होंडानेही असेच काहीसे केले आहे. होंडाने आपले गमावलेले स्थान परत मिळवण्यासाठी आता आपले ट्रम्प कार्ड बाहेर काढले आहे. कंपनीने दोन दिवसांपूर्वी आपली कॉम्पॅक्ट SUV Elevate लॉन्च केली होती. या कारचे बुकिंग आता जुलैपासून सुरू होणार असून दिवाळीच्या आसपास कंपनी बाजारात लॉन्च करणार आहे. या कारच्या आगमनाने नेक्सॉन, ग्रँड विटारा, क्रेटा आणि सेल्टोस सारख्या वाहनांना अवघड होणार आहे.
होंडानेही Elevate मध्ये कोणतीही कसर सोडली नाही आणि तिला इतके फीचर्स दिले गेले आहेत की तिच्यासमोर दुसरी कार उभी राहू शकणार नाही. Elevateमध्ये कंपनीने इमर्जन्सी ब्रेकिंगसह ADAS ची सुविधा दिली आहे. जे कोणत्याही आपत्कालीन स्थितीची जाणीव झाल्यानंतर आपोआप कार थांबवेल. Elevate ही कॉम्पॅक्ट एसयूव्ही मार्केटमधील पहिली कार आहे ज्यामध्ये हे वैशिष्ट्य आहे. इतकंच नाही तर Elevateची इतरही अनेक वैशिष्ट्ये आहेत जी होंडाला तिची गमावलेली प्रतिष्ठा परत मिळवून देण्यास मदत करतील.
5 interesting things on the Honda Elevate!
What impressed you the most on this new Honda SUV? pic.twitter.com/UUIRl732p8
— MotorOctane (@MotorOctane) June 6, 2023
उत्तम ग्राउंड क्लीयरन्स
Elevate मध्ये कॉम्पॅक्ट आणि फुल साइज एसयूव्हीची सर्व वैशिष्ट्ये देण्यात आली आहेत. कारला जाड बार ग्रिल देण्यात आले आहे जे तिला मस्क्यूलर लुक देते. यासह, मागील बाजूस स्लीक टेल लॅम्पचे एक युनिट आहे. कारचे ग्राउंड क्लीयरन्स 4.2 मीटर आहे, 1.62 मीटर उंच आणि 1.79 मीटर रुंद आहे. त्याचे सर्वात मोठे वैशिष्ट्य म्हणजे त्याचे ग्राउंड क्लीयरन्स, जे सुमारे 220 मिमी आहे.
हेही वाचा – टूथपेस्ट लावण्यापूर्वी ब्रश ओला करू नका, आरोग्यासाठी ठरेल धोकादायक!
Honda Elevate… what do you guys think of it?
@HondaCarIndia pic.twitter.com/06K13IlgMs— Rachna Tyagi (@Rachna_Tyagi) June 6, 2023
फक्त पेट्रोल इंजिन
यापूर्वी होंडा Elevateबद्दल चर्चा होती की कारमध्ये हायब्रीड पर्याय दिला जाऊ शकतो कारण ही कार होंडा सिटीच्या प्लॅटफॉर्मवर डिझाइन केली गेली आहे. आणि आता होंडा सिटी मध्ये हायब्रीड इंजिन दिले आहे पण तसे झाले नाही. सध्या, Elevate होंडा सिटी प्रमाणेच पेट्रोल इंजिनसह लॉन्च करण्यात आली आहे. यात 1.5 लीटर पेट्रोल इंजिन मिळेल जे 121 बीएचपी पॉवर जनरेट करेल. त्याच वेळी, कार 150 न्यूटन मीटरचा टॉर्क निर्माण करेल. कारमध्ये 6 स्पीड मॅन्युअल ट्रान्समिशन आणि CVT गियर बॉक्सचा पर्याय मिळेल.
Elevate मध्ये कंपनीने 10.25-इंचाची टचस्क्रीन इंफोटेनमेंट सिस्टम दिली आहे. यासोबतच इंस्ट्रुमेंट क्लस्टर कलर एचडीमध्ये टीएफटी स्क्रीन आहे जी 7 इंच आहे. वायरलेस स्मार्ट इंटिग्रेशन देखील आहे जे अलेक्सा शी कनेक्ट करणे सोपे करेल. त्याचबरोबर 6 एअरबॅग्ज, अ‍ॅडॉप्टिव्ह क्रूझ कंट्रोल, लेन वॉच, हिल होल्ड असिस्ट, लेन कीप असिस्ट यांसारख्या अनेक सेफ्टी फीचर्सही यामध्ये उपलब्ध असतील. सध्या कंपनीने याच्या लॉन्च किंवा किंमतीबाबत खुलासा केलेला नाही. पण असे मानले जाते की Elevateची किंमत सुमारे 8 लाख रुपयांपासून सुरू केली जाऊ शकते. तथापि, त्याचे टॉप व्हेरियंट सुमारे 15 लाखांच्या आसपास बाजारात येण्याची अपेक्षा आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!