Hollywood Actress Reaction On Shah Rukh Khan : शाहरुख खानला किंग खान म्हणण्यामागे एक मोठे कारण आहे आणि ते म्हणजे तो खरोखरच जगभरातील लोकांच्या मनावर राज्य करतो. तब्बल ४ वर्षांच्या प्रतिक्षेनंतर किंग खान मोठ्या पडद्यावर परतण्याच्या तयारीत आहे. दरम्यान, तो सौदी अरेबियातील रेड सी फिल्म फेस्टिव्हल २०२२ मध्ये दिसला होता. शाहरुख खानला समोर पाहणे ही चाहत्यांसाठी तसेच हॉलिवूडपट बेसिक इन्स्टिंक्ट फेम अभिनेत्री शेरॉन स्टोनसाठी मोठी गोष्ट होती.
हॉलिवूड नटीची नजर शाहरुखवर खिळली…
सोशल मीडियावर एक व्हिडिओ व्हायरल होत आहे. या व्हिडिओमध्ये शाहरुख खान उभा राहून लोकांना अभिवादन करताना दिसत आहे. यामध्ये, फिल्म फेस्टिव्हलची होस्ट येते आणि सर्वांना सांगते की शाहरुख खान या सोहळ्याचा एक भाग बनला आहे. अशा परिस्थितीत त्याच्या शेजारी बसलेली अभिनेत्री शेरॉन स्टोनला धक्का बसतो. तिच्याकडे बघून असे दिसते की शाहरुख तिच्या जवळ बसला आहे याची तिला कल्पनाच नव्हती. अशा परिस्थितीत तिची प्रतिक्रिया खूपच मजेदार होती.
American producer #SharonStone showing respect towards #SRK , his stardom is pan world even before the term was invented pic.twitter.com/TwzO8YQTo0
— Harminder 🍿🎬🏏 (@Harmindarboxoff) December 2, 2022
हेही वाचा – Business Idea : फक्त २० हजार गुंतवून ‘हा’ व्यवसाय सुरू करा; दरमहा ४ लाखांपर्यंत कमवा!
Sharon Stone's reaction when she realised Shah Rukh Khan is sitting next to her 😍 @iamsrk #ShahRukhKhan #SharonStone #RedSeaIFF22
— Shah Rukh Khan Fc – Pune ( SRK Fc Pune ) (@SRKFC_PUNE) December 2, 2022
रेड सी फिल्म फेस्टिव्हल २०२२ मध्ये, शाहरुख खानला भारतीय चित्रपटातील योगदानाबद्दल पुरस्काराने सन्मानित करण्यात आले. यावेळी उपस्थितांनी टाळ्यांच्या कडकडाटात त्याचे स्वागत केले. हॉलिवूड अभिनेत्री शेरॉन स्टोन शाहरुख खानला पाहून फॅन गर्लप्रमाणे दंग असल्याचे या प्रसंगाच्या व्हिडिओमध्ये दिसून येते. सुपरस्टारला पाहून ती आनंदाने ओरडली.
काही दिवसांपूर्वी शाहरुख खानने सौदी अरेबियामध्ये त्याच्या ‘डंकी’ चित्रपटाचे शूटिंग शेड्यूल पूर्ण केले आहे. राजकुमार हिरानी या चित्रपटाचे दिग्दर्शन करत आहेत. याशिवाय शाहरुख रेड सी फिल्म फेस्टिव्हल २०२२ मध्ये त्याच्या आगामी ‘पठाण’ चित्रपटाचे प्रमोशन करताना दिसला होता. कार्यक्रमाला उपस्थित असलेल्या लोकांना ‘पठाण’ पाहण्याचे आवाहन त्याने केले.