GST Council Meet 2023 : वस्तू आणि सेवा कर (GST Council) परिषदेने मंगळवारी आपल्या 50 व्या बैठकीत देशभरातील बहुउपयोगी वाहनांसाठी (MUV) 22 टक्के उपकर लावण्याच्या फिटमेंट समितीच्या शिफारशीला सहमती दर्शवली आहे. मात्र या यादीत सेडान कारचा समावेश करण्यात आलेला नाही. सर्व प्रकारच्या युटिलिटी वाहनांवर हा उपकर लावण्याचा निर्णय परिषदेने घेतला आहे. याचा अर्थ असा की SUV वाहनांप्रमाणे, मल्टी-युटिलिटी व्हेइकल्स (MUVs) वर देखील 22% उपकर लागू होईल.
पूर्वी असे ठरवण्यात आले होते की केवळ SUV म्हणून ओळखल्या जाणार्‍या स्पोर्ट युटिलिटी वाहनांना, ज्यांची लांबी 4 मीटरपेक्षा जास्त होती, त्यांची इंजिन क्षमता 15,000 सीसीपेक्षा जास्त होती आणि 170 मिमी आणि त्याहून अधिक ग्राउंड क्लीयरन्सवर 22% सेस (28% जीएसटी वगळता) लागू होईल.आता परिषदेच्या निवेदनात म्हटले आहे की, सर्व प्रकारच्या युटिलिटी वाहनांचा समावेश करण्यासाठी कायद्यात सुधारणा करण्याचा निर्णय परिषदेने घेतला आहे.
परंतु या श्रेणीमध्ये फक्त अशा वाहनांचा समावेश असेल ज्यांची लांबी 4,000 मिमी पेक्षा जास्त आहे, ज्यांची इंजिन क्षमता 1500 सीसी पेक्षा जास्त आहे आणि ज्यांचे ग्राउंड क्लीयरन्स 170 मिमी किंवा त्याहून अधिक आहे. याआधीही सरकारने एसयूव्ही वाहनांची व्याख्या स्पष्ट केली होती. केंद्रीय अर्थमंत्री निर्मला सीतारामन म्हणाल्या, “परिषदेने MUV वाहनांसाठी 22 टक्के उपकर लावण्याच्या शिफारशीला सहमती दर्शवली आहे, परंतु सेडान कारचा या यादीत समावेश करण्यात आलेला नाही. पंजाब आणि तामिळनाडू ही दोन राज्ये सेडानच्या यादीत समावेश करण्याच्या विरोधात आहेत, त्यामुळे त्यावर एकमत होऊ शकले नाही.”
50th GST Council Meet | 28% GST on online gaming, casino, horse racing; 22% cess over 28% GST on SUV/MUV
What are the other highlights from the announcements by FM Nirmala Sitharaman? @priyadarshi108 is here with the details#GST #GSTCouncil @GST_Council @nsitharamanoffc pic.twitter.com/YfvRWc9lgO
— ET NOW (@ETNOWlive) July 11, 2023
हेही वाचा – WI Vs IND 1st Test : भारत-विंडीज पहिली टेस्ट मॅच फ्रीमध्ये पाहा, फक्त ‘या’ अॅपवर!
कोणती वाहने महागणार?
SUV प्रमाणेच मल्टी युटिलिटी व्हेईकल सेगमेंट देखील देशात वेगाने प्रसिद्ध होत आहे. मुळात मारुती सुझुकी एर्टिगा, टोयोटा इनोव्हा, किया केरेन्स सारख्या कार या सेगमेंटमध्ये येतात. जवळपास या सर्व गाड्या सरकारने परिभाषित केलेल्या पॅरामीटर्समध्ये येतात. त्यामुळे लवकरच त्यांच्या किमतीत वाढ होण्याची शक्यता आहे. देशात विकल्या जाणार्‍या बर्‍याच गाड्यांवर 28% GST, वाहनाच्या प्रकारानुसार 1% ते 22% पर्यंतचा अतिरिक्त उपकर लागू होतो. SUV वाहनांवर 22% भरपाई उपकरासह 28% हा सर्वोच्च GST दर आहे.
मारुती एर्टिगा किती महाग होईल?
मीडिया रिपोर्ट्सनुसार, मारुती सुझुकी इंडियाचे वरिष्ठ कार्यकारी अधिकारी (मार्केटिंग आणि सेल्स) शशांक श्रीवास्तव म्हणाले, “जी माहिती समोर येत आहे त्यानुसार, असे दिसते की आता 28% GST स्लॅबवर 22% उपकर लागू होईल.” तीन अटींची पूर्तता करणार्‍या सर्व वाहनांसाठी लागू आहे. सर्व प्रथम, ते वाहनांच्या व्याख्येबद्दल संभ्रम दूर करते, विशेषत: भाररहित वाहनांच्या बाबतीत. ग्राउंड क्लिअरन्सच्या बाबतीत.
कंपनीच्या गाड्यांच्या किमतीत झालेल्या वाढीबाबत श्रीवास्तव सांगतात की, मारुती सुझुकीकडे इन्व्हिक्टो वगळता 1.5 लिटरपेक्षा जास्त इंजिन आकाराचे कोणतेही वाहन नाही. परंतु इन्व्हिक्टो मध्ये फक्त एक हायब्रिड प्रकार आहे, त्यामुळे त्यावर उपकर लागू होऊ नये. तथापि, याची अद्याप पुष्टी होऊ शकत नाही.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!