Gold Silver Price Today : तुम्हीही सोन्याचे दागिने खरेदी करण्याचा विचार करत असाल तर आज तुमच्यासाठी एक आनंदाची बातमी आहे. आज सोन्याचा भाव रु. ५५,००० च्या आसपास आहे. सोन्याच्या दरात आज विक्रमी उच्चांकावरून ३५०० रुपयांची घसरण पाहायला मिळत आहे. त्याच वेळी, चांदीचा भाव ६३८०० रुपयांच्या जवळ दिसत आहे. गेल्या आठवड्यातही सोन्याच्या दरात सातत्याने घसरण होत आहे. आज १० ग्रॅम सोन्याचा भाव काय झाला ते पाहूया.
सोने ३५०० रुपयांनी स्वस्त
मल्टी कमोडिटी एक्स्चेंजमध्ये सोन्याचे दर घसरत आहेत. आज एमसीएक्सवर सोन्याचा भाव ०.१६ टक्क्यांच्या घसरणीसह ५५३४२ रुपये प्रति १० ग्रॅमच्या पातळीवर व्यवहार करत आहे. २ फेब्रुवारी २०२३ रोजी सोन्याची किंमत विक्रमी उच्चांकावर होती. या दिवशी सोन्याचा भाव ५८८८२ रुपये प्रति १० ग्रॅमच्या पातळीवर पोहोचला होता. त्यामुळे सोन्याच्या दरात ३५०० रुपयांची घसरण पाहायला मिळत आहे.
चांदीही स्वस्त
एमसीएक्सवर आज चांदीच्या दरातही घसरण झाली आहे. आज चांदीचा भाव १.१० टक्क्यांच्या घसरणीसह ६३८२१ रुपये प्रति किलोच्या पातळीवर व्यवहार करत आहे. आज चांदीच्या दरात २२५० रुपयांची घसरण पाहायला मिळत आहे.
हेही वाचा – भोगवटादार वर्ग रूपांतरीत करताना आकारावयाच्या सवलतीच्या दरातील कालावधीला मुदतवाढ
आंतरराष्ट्रीय बाजारात सोन्याची स्थिती काय?
आंतरराष्ट्रीय बाजारात एका महिन्यात सोन्यामध्ये $१११ म्हणजेच सुमारे ५.७५ टक्के सुधारणा झाली आहे. चांदी $२.८२ ने सुधारली आहे, म्हणजे सुमारे १२ टक्के.
सोने खरेदी करण्यापूर्वी लक्षात ठेवा…
तुम्हीही बाजारात सोने खरेदी करणार असाल तर हॉलमार्क पाहूनच सोने खरेदी करा. सोन्याची शुद्धता तपासण्यासाठी तुम्ही सरकारी अॅप देखील वापरू शकता. ‘बीआयएस केअर अॅप’द्वारे तुम्ही सोन्याची शुद्धता खरी आहे की नकली हे तपासू शकता. याशिवाय तुम्ही या अॅपद्वारे तक्रारही करू शकता.
येथे दर तपासा
तुम्ही तुमच्या घरी बसूनही सोन्याची किंमत तपासू शकता. इंडियन बुलियन अँड ज्वेलर्स असोसिएशनच्या मते, तुम्ही 8955664433 वर मिस्ड कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुमचा मेसेज येईल.