Pathaan Song Besharam Rang Out : सुपरस्टार शाहरुख खानच्या आगामी ‘पठाण’ चित्रपटातील ‘बेशरम रंग’ हे गाणे सोमवारी रिलीज झाले आहे. शाहरुखच्या ‘पठाण’ चित्रपटातील हे पहिले गाणे रिलीज झाले आहे. हे तीन मिनिटे तीन सेकंदाचे आकर्षक गाणे अतिशय सुंदर लोकेशन्सवर शूट करण्यात आले आहे. म्युझिक व्हिडिओमध्ये, जिथे दीपिका पदुकोण अतिशय बोल्ड स्टाईलमध्ये दिसत आहे, तिथे शाहरुख खानने देखील आपल्या मस्क्युलर बॉडीचा नजराणा पेश केला आहे.
गाणे आणि म्युझिक व्हिडिओ कसा आहे?
हे गाणे शिल्पा राव, कारलिसा मॉन्टेरो आणि विशाल-शेखर यांनी गायले आहे. या गाण्याचे बीट्स चपखल आहेत. पण त्याचवेळी त्यात हृतिक रोशनच्या ‘बँग बँग’ आणि रणवीर सिंगच्या ‘बेफिक्रे’ गाण्यांचाही अनुभव येतो. दीपिका पदुकोणची बोल्ड शैली तुम्हाला गाण्यावर खिळवून ठेवते आणि नंतर हळूहळू तुम्ही संगीतात गुंतून जाता.
हेही वाचा – Indian Railways : ‘या’ ट्रेनच्या प्रवाशांना मिळणार मोफत नाश्ता-जेवण..! तुम्हाला माहितीये का ‘ही’ सुविधा?
लोकांची रिअॅक्शन कशी आहे?
लोकांच्या प्रतिक्रियांबद्दल बोलायचे झाले तर बहुतेकांचे लक्ष गाण्यापेक्षा दीपिका आणि शाहरुख खानच्या स्टाइलकडे गेले आहे. लोकांना हे गाणे आवडले असले तरी दीपिका-शाहरुख खानच्या बोल्ड स्टाइलला प्राधान्य दिले आहे.
शाहरुख खानच्या ‘पठाण’ या चित्रपटाची चाहते आतुरतेने वाट पाहत आहेत. या चित्रपटाची कथा सलमान खानच्या टायगर युनिव्हर्सशी जोडलेली असल्याचे म्हटले जात आहे. चित्रपटाचा टीझर आधीच रिलीज झाला आहे ज्यामध्ये जबरदस्त अॅक्शन दाखवण्यात आली आहे. ‘पठाण’मध्ये शाहरुख खानशिवाय जॉन अब्राहम आणि दीपिका पदुकोण महत्त्वाच्या भूमिकेत दिसणार आहेत. २५ जानेवारीला हा चित्रपट प्रदर्शित होईल.