Chhattisgarh Bank Manager : छत्तीसगडमधील बिलासपूरमध्ये एक अनोखा प्रकार समोर आला आहे. येथे बँकेच्या अधिकारी व कर्मचाऱ्यांनी कर्ज मिळण्याच्या बदल्यात गावठी कोंबड्या पार्टीला प्राधान्य दिले. कर्ज दिले नसले तरी 38 हजार रुपयांच्या कोंबड्या पार्टीत फस्त केल्या. याप्रकरणी आता तक्रार दाखल करण्यात आली आहे. पोलीस कारवाईत व्यस्त आहेत.
याबाबत पोलिसांकडून मिळालेली माहिती अशी की, छत्तीसगडच्या सरगवान गावातील एका रहिवाशाने एसबीआय बँक शाखा मस्तुरीचे मॅनेजर सुमनकुमार चौधरी यांच्याकडे पोल्ट्री फार्म सुरू करण्यासाठी कर्जासाठी अर्ज केला होता.
अर्जदाराने बँकेकडून 12 लाखांचे कर्ज मागितले होते. परंतु बँक मॅनेजरने कर्जाची रक्कम देण्याच्या बदल्यात 10 टक्के कमिशन मागितले. तक्रारदाराने आपल्या कोंबड्या विकल्या आणि 2 महिन्यांत बँक व्यवस्थापकाला कमिशन दिले. यानंतरही व्यवस्थापकाने कर्ज देण्याच्या बहाण्याने दर शनिवारी गावठी कोंबड्यांची ऑर्डर देण्यास सुरुवात केली.
हेही वाचा – सचिन तेंडुलकरला विनोद कांबळीपेक्षा किती जास्त पेन्शन मिळते?
एके दिवशी तक्रारदाराने हिशेब केला असता मॅनेजरने 38,900 रुपये किमतीच्या कोंबड्या खाल्ल्याचे समोर आले. याबाबत विचारले असता, मॅनेजरने रक्कम देण्यास नकार दिला आणि कर्जही दिले नाही. याप्रकरणी पीडित सांगतात की, मी आता उपोषण करणार आहे. यानंतरही मॅनेजरने कोंबडीची रक्कम व कर्जाची रक्कम न दिल्यास बँकेसमोर कीटकनाशक पिऊन पेट्रोल ओतून आत्महत्या करेन. ज्याची जबाबदारी एसबीआय बँक शाखा मस्तुरीचे मॅनेजर सुमनकुमार चौधरी यांच्यावर असेल.
पीडितेने उपोषण करण्यापूर्वी एसडीएमला ही रक्कम आणि कर्ज देण्याची विनंती केली.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!