Chandrayaan-3 Landing : भारताचे चांद्रयान-3 चंद्राच्या दक्षिण ध्रुवीय प्रदेशावर यशस्वीपणे उतरले आहे. चांद्रयान-3 चे विक्रम लँडर यशस्वीरित्या सॉफ्ट-लँड केले आहे. इस्रोच्या या ऐतिहासिक यशानंतर पंतप्रधान मोदींनी संबोधित करताना हा क्षण अभूतपूर्व असल्याचे सांगितले. चंद्राच्या दक्षिण ध्रुवावर उतरणारा भारत हा पहिला देश ठरला आहे.
या अभूतपूर्व यशानंतर बंगळुरूमधील इस्रोच्या मिशन कंट्रोल कॉम्प्लेक्समध्ये जल्लोष झाला. लोकांनी टाळ्या वाजवत, गळाभेट घेत हे यश साजरे केले. या ऐतिहासिक क्षणाचे साक्षीदार म्हणून इस्रोचे माजी प्रमुख के. सिवनही बेंगळुरूमधील मिशन कंट्रोल कॉम्प्लेक्समध्ये पोहोचले होते.
हेही वाचा – Asia Cup 2023 : विराट कोहलीबाबत संजय मांजरेकरांचं स्पष्ट मत! म्हणाले, “सचिनचं जे झालं…”
काय म्हणाले मोदी?
चांद्रयान-३च्या यशस्वी सॉफ्ट लँडिंगनंतर, पंतप्रधान मोदी देशाला संबोधित करताना म्हणाले, ”जेव्हा आपण असा इतिहास तयार होताना पाहतो तेव्हा जीवन धन्य होते. हा क्षण अभूतपूर्व आहे. हा विकसित भारताच्या शंखाचा क्षण आहे, भारताच्या जयघोषाचा क्षण आहे. विजयाच्या चंद्रमार्गावर चालण्याचा हा क्षण असल्याचे आहे. 140 कोटी बीट्सच्या शक्तीचा एक क्षण आहे. पृथ्वीवर घेतलेला संकल्प, चंद्रावर साकार झाला. टीम चांद्रयान, इस्रो आणि सर्व शास्त्रज्ञांचे खूप खूप अभिनंदन. त्यासाठी त्यांनी वर्षानुवर्षे मेहनत घेतली.”
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!