Rio Kapadia Dies : ‘दिल चाहता है’, ‘चक दे इंडिया’ आणि ‘हॅपी न्यू इयर’ यांसारख्या चित्रपटांमध्ये काम करणारे अभिनेते रिओ कपाडिया यांचं वयाच्या 66 व्या वर्षी निधन झालं आहे. आज दुपारी 12.30 वाजता त्यांनी अखेरचा श्वास घेतला. कपाडिया कुटुंबीयांनी अधिकृत निवेदन जारी करून ही माहिती दिली. त्यांच्या पार्थिवावर 15 सप्टेंबर 2023 रोजी सकाळी 11 वाजता शिवधाम स्मशानभूमी गोरेगाव येथे अंत्यसंस्कार करण्यात येणार आहेत.
चक दे इंडियामध्ये समालोचकाची भूमिका
रिओ कपाडिया यांनी मर्दानी, हम हैं राही कार के, श्री, आखरी डिसिजन यांसारख्या चित्रपटात काम केले होते. मर्दानी चित्रपटात त्यांनी आयुक्त सिन्हा यांची भूमिका साकारली होती. ‘दिल चाहता है’ या चित्रपटात त्यांनी श्री शंकरन यांची भूमिका साकारली होती. त्याचवेळी शाहरुख खानसोबत यांनी चक दे इंडिया या चित्रपटात समालोचकाची भूमिका साकारली होती.
हेही वाचा – Health : रात्री उशिरापर्यंत जागणाऱ्यांनो सावधान, ‘या’ आजाराचा असू शकतो धोका!
चित्रपटांसोबतच त्यांनी अनेक टीव्ही शोमध्येही काम केले. 2013 मध्ये त्यांनी सपने सुहाने लडकपन के आणि सिद्धार्थ तिवारींच्या महाभारत या शोमध्ये काम केले होते. माध्यमांच्या वृत्तानुसार रिओ हे कर्करोगाने ग्रस्त होते आणि दीर्घकाळ या आजाराशी झुंज दिल्यानंतर त्यांचे निधन झाले.
‘वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!