Business Idea : तुम्हालाही कमी पैसे गुंतवून स्वतःचा व्यवसाय सुरू करायचा असेल तर काळजी करण्याची गरज नाही. आज आम्ही तुमच्यासाठी एक मस्त बिझनेस आयडिया घेऊन आलो आहोत. कमीत कमी गुंतवणुकीने तुम्ही ते सुरू करू शकता. आम्ही बोलत आहोत लेमन ग्रास शेतीबद्दल. या शेतीतून भरघोस नफा मिळू शकतो. ही शेती करण्यासाठी तुम्हाला १५ हजार ते २० हजार रुपये खर्च येतो आणि यातून तुम्ही दरमहा लाखोंची कमाई करू शकता.
बाजारात खूप मागणी
लेमन ग्रासपासून काढलेल्या तेलाला बाजारात मोठी मागणी आहे. लेमन ग्रासपासून काढलेले तेल सौंदर्यप्रसाधने, साबण, तेल आणि औषधे बनवणाऱ्या कंपन्या वापरतात. यामुळे बाजारात चांगला भाव मिळतो. या शेतीची खास गोष्ट म्हणजे दुष्काळग्रस्त भागातही याची लागवड करता येते. लेमनग्रासच्या लागवडीतून केवळ एक हेक्‍टरमधून तुम्हाला एका वर्षात ४ लाख रुपयांपर्यंतचा नफा मिळू शकतो.
लेमन ग्रास लागवड कशी करावी?
लेमन ग्रास लावण्यासाठी सर्वोत्तम वेळ फेब्रुवारी ते जुलै दरम्यान आहे. एकदा लागवड केल्यानंतर सहा ते सात वेळा कापणी केली जाते. कापणी वर्षातून तीन ते चार वेळा केली जाते. लेमन ग्रासपासून तेल काढले जाते. एका वर्षात जमिनीच्या एका तुकड्यातून सुमारे ३ ते ५ लीटर तेल निघते. त्याचा विक्री दर रु. १००० ते रु. १५०० आहे. लेमन ग्रास लावल्यानंतर ३ ते ५ महिन्यांनी त्याची पहिली काढणी केली जाते.
हेही वाचा – LIC Policy : तुम्हालाही मिळतील २७.६० लाख रुपये..! लगेच करा गुंतवणूक; वाचा ‘या’ पॉलिसीविषयी!
एक एकर जमिनीच्या लागवडीतून ५ टनांपर्यंत लेमन ग्रास पाने काढता येतात. तसे, तुम्ही १५-२० हजार रुपयांत त्याची लागवड सुरू करू शकता, परंतु जर तुमचे बजेट थोडे जास्त असेल तर तुम्ही सुरुवातीलाच मशीन बसवू शकता. तुम्ही २ ते २.५ लाख रुपयांमध्ये मशीन सेट करू शकता.
कशी होईल कमाई?
लेमन ग्रासच्या लागवडीमुळे तुम्हाला लवकरच उत्पन्न मिळू लागेल. एक क्विंटल लेमन ग्रासपासून एक लिटर तेल तयार होते. बाजारात त्याची किंमत १ हजार ते १५०० रुपयांपर्यंत आहे. म्हणजेच पाच टन लेमन ग्रासपासून तुम्हाला किमान ३ लाख रुपयांचा नफा मिळू शकतो. लेमन ग्रासच्या पानांची विक्री करूनही तुम्ही चांगली कमाई करू शकता. बिहारचे रौनक कुमार आणि रमण कुमार हे दोन भाऊ एकत्र लेमन ग्रासची लागवड करतात आणि त्यापासून चहा बनवतात आणि देशभरात पुरवतात. यातून त्यांना दरमहा ४ ते ५ लाख रुपये मिळत आहेत.