Bank of Baroda : तुम्हीही नवीन वर्षाच्या आधी नवीन आणि स्वस्त घर घेण्याचा विचार करत असाल, तर तुमच्यासाठी ही महत्त्वाची बातमी आहे. वर्षाच्या शेवटी, देशाची सरकारी बँक पुन्हा एकदा तुम्हाला जमीन, दुकान, घर आणि शेतजमीन स्वस्तात खरेदी करण्याची संधी देत आहे. त्यामुळे तुमच्याकडे चांगली संधी आहे. तुम्ही २८ डिसेंबर २०२२ रोजी स्वस्तात घर खरेदी करू शकता.
तुम्ही भारतात कुठेही मालमत्ता खरेदी करू शकता
बँक ऑफ बडोदाने (BOB) मेगा ई-लिलाव आणला आहे, ज्यामध्ये तुम्ही अनेक प्रकारच्या प्रॉपर्टी स्वस्तात खरेदी करू शकता. बँक ऑफ बडोदानेही ट्वीट करून याबाबत माहिती दिली आहे. या लिलावाअंतर्गत, तुम्ही संपूर्ण भारतभर रिअल इस्टेट खरेदी करण्यासाठी बोली लावू शकता.
हेही वाचा – सरकारचा ‘मोठा’ निर्णय..! ‘हे’ काम केलं नसेल, तर फेकून द्यावं लागेल PAN कार्ड
तुम्ही कोणत्या प्रकारच्या मालमत्तेसाठी बोली लावू शकता?
या लिलावात तुम्ही घर, ऑफिसची जागा, जमीन किंवा भूखंड, औद्योगिक मालमत्ता आणि फ्लॅटसाठी अर्ज करू शकता. जर हा लिलाव सरफेसी कायद्यांतर्गत होणार असेल तर तो पूर्णपणे पारदर्शक असेल.
बैंक ऑफ़ बड़ौदा की मदद से, अपनी संपत्ति खरीदने के अपने सपने को साकार करें. दिनांक 28 दिसंबर, 2022 को बैंक ऑफ़ बड़ौदा की मेगा ई-ऑक्शन में सहभागिता करें और अपने लिए बेहतरीन संपत्तियों का चयन करें.#BankofBaroda #AzadiKaAmritMahotsav @AmritMahotsav pic.twitter.com/IF2m0pebJO
— Bank of Baroda (@bankofbaroda) December 23, 2022
BOBचे ट्वीट
BOB ने आपल्या अधिकृत ट्वीटमध्ये लिहिले आहे की, बँक ऑफ बडोदाच्या मदतीने तुमची मालमत्ता खरेदी करण्याचे तुमचे स्वप्न साकार करा. २८ डिसेंबर २०२२ रोजी बँक ऑफ बडोदाच्या मेगा ई-लिलावात सहभागी व्हा आणि स्वतःसाठी सर्वोत्तम मालमत्ता निवडा.
बँका कोणत्या मालमत्तेचा लिलाव करतात?
देशातील अनेक सरकारी बँका वेळोवेळी मालमत्तेचा लिलाव करत असतात. एनपीएच्या यादीत आलेल्या त्या मालमत्ता बँकेकडून ई-लिलावात विकल्या जातात. म्हणजेच ज्या मालमत्तांवर मालकांनी कर्ज घेतल्यानंतर बँकेची थकबाकी परत केली नाही. बँक अशा लोकांच्या जमिनी ताब्यात घेऊन त्याचा लिलाव करते.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!