Bank Holidays : मार्च २०२३ मध्ये एकूण १२ दिवस बँका बंद राहतील आणि त्यात वीकेंडचाही समावेश आहे. त्यामुळे उशीर न करता या महिन्यातच तुमच्या बँकेशी संबंधित सर्व कामांचा निपटारा करा. भारतातील बँका महिन्याच्या पहिल्या आणि तिसऱ्या शनिवारी काम सुरू ठेवतात, तर दुसरा आणि चौथा शनिवारी बँकांना सुट्टी असते. रिझर्व्ह बँक ऑफ इंडिया (RBI) च्या मार्च २०२३ च्या कॅलेंडरनुसार, खाजगी आणि सार्वजनिक क्षेत्रातील बँका १२ दिवस बंद राहतील.
विशिष्ट राज्याच्या प्रादेशिक सुट्ट्यांवर अवलंबून सर्व सार्वजनिक सुट्ट्यांवर बँका देखील बंद असू शकतात. अशा प्रादेशिक सुट्ट्या संबंधित राज्य सरकारे ठरवतात आणि RBI च्या अधिकृत वेबसाइटवर त्यांचा उल्लेख नाही. रिझर्व्ह बँक ऑफ इंडिया (RBI) ने सुट्ट्या तीन कंसात ठेवल्या आहेत. निगोशिएबल इन्स्ट्रुमेंट ऍक्ट अंतर्गत सुट्टी; निगोशिएबल इन्स्ट्रुमेंट्स ऍक्ट आणि रिअल-टाइम ग्रॉस सेटलमेंट हॉलिडे.
हेही वाचा – LIC Policy असणाऱ्यांसाठी खास सुविधा..! २४ मार्चपर्यंत करा ‘हे’ काम, नाहीतर होईल मोठं नुकसान
मार्च २०२३ मधील बँक सुट्ट्यांची संपूर्ण यादी
- ३ मार्च चापचर कुट
- ५ मार्च रविवार
- ७ मार्च होळी / होळी (दुसरा दिवस) / होलिका दहन / धुलंडी / डोल जत्रा
- ८ मार्च धुलेती / डोलजात्रा / होळी / याओसांग दुसरा दिवस
- ९ मार्च होळी
- ११ मार्च महिन्याचा दुसरा शनिवार
- १२ मार्च रविवार
- १९ मार्च रविवार
- २२ मार्च गुढी पाडवा / उगादी सण / बिहार दिवस / साजिबू नोंगमापनबा (चीरोबा) / तेलुगु नववर्ष दिवस / पहिला नवरात्र
- २५ मार्च चौथा शनिवार
- २६ मार्च रविवार
- ३० मार्च श्री राम नवमी
पहिली बँक सुट्टी ३ मार्च रोजी चपचर कुट पासून सुरू होते आणि गुढी पाडवा/उगादी सण/बिहार दिवस यांसारख्या इतर सुट्ट्या २२ मार्च रोजी येतात. काही राज्यांतील बँका आरबीआयच्या कॅलेंडरनुसार सुटी पाळतील. मार्चमध्ये चार रविवार आहेत जे ५,१२,१९ आणि २६ मार्च रोजी येतात. ११ आणि २५ मार्च रोजी दुसरा आणि चौथा शनिवार आहे. निगोशिएबल इन्स्ट्रुमेंट्स कायद्यांतर्गत, RBI ने ३, ७, ८, ९, २२ आणि ३० मार्च रोजी सुट्टी जाहीर केली आहे. याशिवाय, आरबीआय कॅलेंडरनुसार मार्च २०२३ मध्ये सहा बँक सुट्ट्या आहेत.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!