Anand Mahindra On Anti-Drowning T-Shirt : महिंदा अँड महिंद्रा ग्रुपचे चेअरमन आनंद महिंद्रा सोशल मीडियावर खूप सक्रिय असतात. ते ट्विटरवर मजेदार आणि माहितीपूर्ण फोटो आणि व्हिडिओ शेअर करत असतो. त्यांचे फॅन फॉलोइंग प्रचंड आहे आणि त्यांचे ट्वीट अनेकदा व्हायरल होतात. आनंद महिंद्रा यांनी आता ट्विटरवर एका अनोख्या टी-शर्टचा व्हिडिओ शेअर केला आहे, जो युजर्सना खूप आवडला आहे. नोबेल मिळालेल्या शोधांपेक्षा भारी असे वर्णन महिंद्रांनी केले आहे.
आनंद महिंद्रा यांनी फ्लोटी या फ्रेंच कंपनीने मुलांसाठी बनवलेल्या खास टी-शर्टचा व्हिडिओ शेअर केला आहे. कंपनीचा दावा आहे की हा टी-शर्ट पाण्याच्या संपर्कात येताच आपोआप लाइफ जॅकेटमध्ये बदलतो. अशा प्रकारे मुलाला बुडण्यापासून वाचवले जाते. वापरकर्ते देखील या नवकल्पनाचे खूप कौतुक करत आहेत. महिंद्राचे हे ट्विट वेगाने व्हायरल होत आहे. या ट्विटला आतापर्यंत 14,500 लाइक्स मिळाले आहेत.
हेही वाचा – IPL 2023 Final : अहमदाबादमध्ये आजही पाऊस येणार? हवामान कसे असेल? मॅच होईल?
This may not get a Nobel prize but it ranks higher than those inventions for me. Because as the grandfather of two young kids, their wellbeing & safety is my highest priority. 👏🏽👏🏽👏🏽 (video credit: @Rainmaker1973 ) pic.twitter.com/ZaSyVMqZG9
— anand mahindra (@anandmahindra) May 25, 2023
फ्लोटी या फ्रेंच कंपनीने बनवलेल्या या टी-शर्टच्या प्रेमात आनंद महिंद्रा आहे. टी-शर्टच्या प्रात्यक्षिकाचा व्हिडिओ ट्विटरवर शेअर करताना त्यांनी लिहिले की, “याला नोबेल पारितोषिक मिळणार नाही, पण माझ्यासाठी हे नोबेल पारितोषिकांपेक्षा जास्त आहे. दोन लहान मुलांचे आजोबा असल्याने, त्यांची काळजी आणि सुरक्षा माझ्यासाठी खूप महत्त्वाची आहे” महिंद्राच्या ट्विटवर टिप्पणी करताना, एका वापरकर्त्याने लिहिले, “कोणताही प्रतिष्ठित पुरस्कार न मिळाल्याने या शोधाचे महत्त्व कमी होत नाही. मुलांच्या सुरक्षिततेसाठी हे अमूल्य आहे.”
त्याचवेळी, एका ट्विटर वापरकर्त्याने आनंद महिंद्रा यांना अशा नवकल्पनाबद्दल महिंद्रा पुरस्कार देण्याचा सल्लाही दिला. सत्या नावाच्या युजरने लिहिले, “खरोखर हा नोबेल पारितोषिक विजेत्या शोधापेक्षा मोठा शोध आहे. अशा आविष्कारांसाठी महिंद्रा पुरस्कार सुरू व्हायला हवा, असे माझे मत आहे.”
फ्लोटीचे अ‍ॅपेरल रिसोर्स सीईओ जीन-पियरे डुबॉइस म्हणतात की कंपनी फ्लोटिंग टी-शर्ट तयार करण्यात आनंदी आहे. आम्हाला विश्वास आहे की हा टी-शर्ट मुलांचे रक्षण करण्यात आणि जगाला त्यांच्यासाठी अधिक सुरक्षित स्थान बनविण्यात मदत करेल. कंपनीने हा टी-शर्ट दीड ते सहा वर्षे वयोगटातील मुलांसाठी बनवला आहे. हा टी-शर्ट पाण्याच्या संपर्कात येताच फुगतो आणि जीवनरक्षक जॅकेट बनतो.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!