Alia Bhatt Daughter Name : आलिया भट्ट आणि रणबीर कपूर यांच्या घरी ६ नोव्हेंबर २०२२ चिमुकलीचं आगमन झालं. आलियाने एका मुलीला जन्म दिला. कपूर आणि भट्ट कुटुंबात आनंदाचे वातावरण आहे. मुलीच्या जन्मापासूनच चाहते वाट पाहत होते की आलिया आणि रणबीर मुलीचे नाव काय ठेवणार? आता याचा खुलासा झाला आहे. आलियाच्या मुलीचे नाव ‘राहा कपूर’ ठेवण्यात आले आहे. राहाची आजी म्हणजेच अभिनेत्री नीतू कपूर यांनी तिला हे नाव दिले आहे.
इंस्टाग्राम पोस्ट शेअर करत दिली माहिती
आलिया भट्टने आज तिच्या अधिकृत इंस्टाग्राम अकाउंटवरून एक पोस्ट शेअर करून चाहत्यांना ही माहिती दिली आहे. तिने एक अतिशय गोंडस फोटो शेअर केला आहे, ज्यामध्ये आलिया-रणबीर मुलीला हातात धरलेले दिसत आहेत. तसेच भिंतीवर टी-शर्टवर आलिया-रणबीर कपूरच्या मुलीचे नाव लिहिलेले दिसत आहे. या पोस्टद्वारे आलिया भट्टने आपल्या मुलीचे नाव राहा कपूर ठेवल्याचे सांगितले आहे. हे नाव रणबीर कपूरची आई नीतू सिंग यांनी निवडले आहे.
हेही वाचा – Vivo T1 : विवोचा २१ हजाराचा फोन फक्त ६९९ रुपयांमध्ये..! पटकन जाणून घ्या ऑफर
आलिया भट्टने पोस्टसोबत एक लांबलचक नोट लिहिली आहे. याद्वारे त्यांनी मुलीच्या नावाचा अर्थ सांगितला आहे. त्यांनी लिहिले आहे की, ‘मुलीचे नाव राहा ठेवले आहे. हे नाव तिला प्रिय आजीने दिले आहे. या नावाचे अनेक सुंदर अर्थ आहेत. याचा अर्थ – दिव्य मार्ग. स्वाहिलीमध्ये याचा अर्थ आनंद. तर संस्कृतमध्ये कुळ. बांगलामध्ये विश्रांती, आराम व अरेबिकमध्ये आनंद, स्वातंत्र्य असा राहा या नावाचा अर्थ होतो. आलियाने पुढे लिहिते , ‘राहा, आमच्या आयुष्यात आल्याबद्दल धन्यवाद, आमचं आयुष्य आताच सुरु झालं आहे असं वाटतं’.