Akshay Kumar and Priyanka Chopras Song : ‘ऐतराज’, ‘अंदाज’ आणि ‘मुझसे शादी करोगी’ यांसारख्या चित्रपटांमध्ये एकत्र दिसलेली अक्षय कुमार आणि प्रियांका चोप्रा यांची जोडी पडद्यावर खूप गाजली. पण २००५ मध्ये आलेल्या एका चित्रपटानंतर या दोन्ही स्टार्सनं एकत्र काम केलं नाही. दोघेही चित्रपटात एकत्र दिसणार अशी चाहत्यांना अनेकदा आशा होती, पण तसं झालं नाही. आता या दोघांना पुन्हा एकदा पडद्यावर एकत्र पाहण्याची संधी चाहत्यांना मिळाली आहे. अक्षय कुमार आणि प्रियांका चोप्रा यांनी २००५ मध्ये ‘बरसात’ चित्रपटात एकत्र काम करायला सुरुवात केली होती. पण पुढं अक्षयला हा चित्रपट सोडावा लागला.
कोणत्या कारणामुळं अक्षयनं सोडला चित्रपट?
दोघांनी या चित्रपटासाठी काही महत्त्वाचे सीक्वेन्स शूट केले होते आणि असं म्हटलं जातं की त्यांनी एकत्र टायटल ट्रॅक देखील शूट केला. पण मध्यंतरी अक्षय चित्रपटापासून दुरावला. त्यांच्या जाण्यानंतर दिग्दर्शक सुनील दर्शन यांनी बॉबी देओलसोबत हा चित्रपट पूर्ण केला. पण आता अक्षय कुमार आणि प्रियांकाचं हे गाणं समोर आलं आहे.
हेही वाचा – IND Vs PAK : पत्रकारांसमोर ‘Sexy’ शब्द बोलण्यापासून द्रविडनं स्वत:ला रोखलं; काय घडलं? पाहा VIDEO
दिग्दर्शक सुनील दर्शन यांनी हे गाणं ऑनलाइन शेअर केलं आहेत. बॉक्स ऑफिस वर्ल्डवाइडशी बोलताना सुनील दर्शन यांनी काही दिवसांपूर्वी सांगितलं होते की, अक्षय आणि प्रियांकाची गाणी एडिट करून वापरायची आहेत. रिपोर्ट्सनुसार, अक्षयनं प्रियांकासोबत ‘बरसात’मध्ये काम करायला सुरुवात केली होती, मात्र अक्षयची पत्नी ट्विंकल खन्नानं त्याला प्रियांकासोबत काम करण्यास नकार दिला होता.
अक्षय आणि प्रियांकाचं अफेअर?
त्यावेळी मीडियामध्ये अक्षय कुमार आणि प्रियांका चोप्राच्या अफेअरची बरीच चर्चा झाली होती. खरं तर, हा २००३ ते २००५ हा काळ होता, जेव्हा अक्षय आणि प्रियांका चोप्राच्या रोमान्सची चर्चा मीडियामध्ये जोरात असायची. या प्रकरणातील खरं किंवा खोटे काहीही असो, परंतु हे प्रकरण इतकं वाढलं की ट्विंकल खन्ना हिनं अक्षयला ताकीद दिली होती की, त्यानं कोणत्याही परिस्थितीत प्रियांकासोबत कोणताही चित्रपट करणार नाही. त्यानंतरच अक्षयनं वैयक्तिक आणि कौटुंबिक कारण सांगून बरसात हा चित्रपट सोडला. पण या चित्रपटाचा काही भाग शूट करण्यात आला होता.
हेही वाचा – Sonali Phogat Murder : सगळं ठरवूनच केलं..! पीए सांगवानचा हत्येप्रकरणी खुलासा; म्हणाला, “गोव्यात कुठलीही…”
‘बरसात’ नंतर अक्षय कुमार आणि प्रियांका चोप्रानं एकत्र कोणताही चित्रपट साईन केला नाही. विशेष म्हणजे या चित्रपटात कतरिना कैफची महत्त्वाची भूमिका होती. मात्र अक्षयनं चित्रपट सोडताच याला उशीर झाला, त्यानंतर कतरिनाला डेट्सचा समस्येचा सामना करावा लागला आणि तिनंही चित्रपट सोडला. नंतर तिची जागा बिपाशा बासूनं घेतली आणि अशा प्रकारे बॉबी देओल, प्रियांका चोप्रा आणि बिपाशा बसूसोबत चित्रपट पूर्ण केला.
अक्षयसाठी हा कौटुंबिक प्रश्न गंभीर होता, अन्यथा तो चित्रपट कधीच सोडणार नाही, असंही सुनीलनं म्हटलं होतं. प्रियांका आणि अक्षयच्या गाण्यांचं फुटेज सुनीलकडं असून ते कुठेही वापरलेलं नाही. हे गाणे आता रिलीज झालं आहे. या गाण्यावर अक्षय कुमार आणि प्रियांका चोप्राची प्रतिक्रिया काय असेल, हे जाणून घेणं उत्सुकतेचं ठरेल.