Adipurush Star Cast Fees : ‘आदिपुरुष’चा धमाकेदार ट्रेलर समोर आल्यानंतर आता प्रभासच्या चाहत्यांच्या नजरा या चित्रपटाच्या प्रदर्शनाकडे लागल्या आहेत. या चित्रपटाचा ट्रेलरही प्रेक्षकांना आवडला आहे. आता असे दिसते आहे की 600 कोटी रुपयांमध्ये एक परिपूर्ण चित्रपट बनवण्यात निर्माते यशस्वी होणार आहेत, अन्यथा टीझर पाहून सर्वांनी चित्रपट आणि पात्रांवर टीका करण्यास सुरुवात केली होती. पण या बिग बजेटमध्ये बनवलेल्या चित्रपटातील अभिनेत्यांचे मानधनही मोठे आहे.
प्रभासच्या या चित्रपटाचा टीझर पाहून लोकांनी चित्रपटावर अनेक प्रश्न उपस्थित केले होते. या चित्रपटातील पात्रांचा लूक काही प्रेक्षकांना अजिबात आवडला नाही. क्रिती सेननच्या सीतेच्या भूमिकेचीही याआधी खूप चर्चा झाली होती. मात्र, बदल झाल्यानंतर अखेर जेव्हा चित्रपटाचा ट्रेलर लोकांसमोर आला तेव्हा लोकांना तो खूप आवडला. आता चित्रपटाला हिट बनवण्याची जबाबदारी प्रभासच्या खांद्यावर आली आहे.
हेही वाचा – Health Tips : झोपल्याशिवाय तुम्ही किती दिवस जगू शकता? एकदा वाचाच
प्रभासचे मानधन
या चित्रपटात प्रभास रामच्या भूमिकेत दिसणार आहे. चित्रपटात बहुतेक बड्या स्टार्सना कास्ट म्हणून साइन करण्यात आले आहे. मात्र प्रभासने या चित्रपटातून सर्वाधिक रक्कम वसूल केली आहे. बाहुबलीनंतर प्रभास पुन्हा एकदा अॅक्शन अवतारात दिसणार आहे. NDTV India मध्ये प्रसिद्ध झालेल्या बातमीनुसार, प्रभासने ‘आदिपुरुष’ चित्रपटातील त्याच्या व्यक्तिरेखेसाठी थेट 100 कोटींची वाढ केली आहे. या पौराणिक चित्रपटासाठी प्रभासने 150 कोटी रुपये फी आकारली आहे.
बाकी स्टारकास्टचे मानधन
आता प्रभासही 100 कोटींहून अधिक फीची मागणी करणाऱ्या स्टार्समध्ये सामील झाला आहे. त्याच्याशिवाय चित्रपटाच्या बाकीच्या स्टारकास्टनेही मोठी रक्कम मिळवली आहे. . सैफ अली खान आदिपुरुषमध्ये रावणाच्या भूमिकेत आहे. या पौराणिक पात्रासाठी त्याला 12 कोटी रुपये मिळाले. त्याचवेळी क्रिती सेनॉनला सीतेच्या भूमिकेसाठी 3 कोटी रुपये मिळाले. लक्ष्मण बनलेल्या सनी सिंगची फी 1.5 कोटी सांगितली जात आहे. ओम राऊतच्या दिग्दर्शनाखाली बनत असलेल्या या बिग बजेट चित्रपटाची किंमत सध्या 600 कोटी असल्याचे सांगण्यात येत आहे. या चित्रपटाकडून निर्मात्यांना खूप आशा आहेत.