New Dayaben in Taarak Mehta Ka Ooltah Chashmah : ‘तारक मेहता का उल्टा चष्मा’ या सुप्रसिद्ध मालिकेला नवी दयाबेन मिळाली आहे. दिशा वकानी पहिल्या शोमध्ये दयाबेनची भूमिका साकारत होती. अनेक दिवसांपासून दिशा या शोमध्ये एंट्री करणार असल्याची चर्चा होती. पण आता दिशा वकानी शोमध्ये परतत नसून ‘तारक मेहता’मधील दयाबेनच्या भूमिकेसाठी एका नव्या अभिनेत्रीला सामील करण्यात आल्याचं स्पष्ट झालं आहे. आज तकनं हे वृत्त खरं असल्याचं सांगितलं.
नवीन दयाबेन कोण?
‘तारक मेहता’ हा सर्वात लोकप्रिय टेलिव्हिजन शो आहे. शोमधील प्रत्येक व्यक्तिरेखा लोकांच्या हृदयात खास बनली आहे. दयाबेनचं पात्र हे देखील यातील एक महत्त्वाचं पात्र आहे. त्याचबरोबर टीव्ही अभिनेत्री काजल पिसाल ‘तारक मेहता’मध्ये नवीन दयाबेनच्या भूमिकेत एंट्री घेणार आहे. रिपोर्ट्सनुसार, दयाबेनच्या भूमिकेसाठी काजल पिसालला फायनल करण्यात आले आहे.
हेही वाचा – प्रकरण हाताबाहेर..! क्रिकेटर ऋषभ पंत आणि उर्वशी रौतेलाचा नक्की ‘मॅटर’ काय? वाचा!
काजल पिसालच्या आधीही अनेक अभिनेत्रींची नावे समोर आली होती, मात्र अद्याप एकाही नावावर शिक्कामोर्तब झालेले नाही. त्याचबरोबर काजल ‘तारक मेहता’मध्ये दयाबेनची भूमिका साकारताना दिसणार असल्याची चर्चा आहे. मात्र, यावर अद्याप अभिनेत्रीनं कोणतीही प्रतिक्रिया दिलेली नाही. तसंच प्रॉडक्शन हाऊसने काजलच्या नावावर काहीही सांगितलेलं नाही. २०१७ मध्ये प्रसूती रजेमुळं दिशा वकानीनं शो सोडला होता.
काजल ही एक प्रसिद्ध टेलिव्हिजन अभिनेत्री आहे. बडे अच्छे लगते हैं, नागिन ५ आणि साथ निभया साथिया या शोमध्ये काजल दिसली आहे. काजल शेवटची फक्त तुम या मालिकेत दिसली होती. काही दिवसांपूर्वी या शोचे निर्माते असित मोदी यांनी तारक मेहता शो सुरूच राहणार असल्याचं सांगितलं होतं. नवीन लोक आले तरी आपण आनंदी असू आणि जुने आले तर आपण आनंदी आहोत, असं ते म्हणाले होते.
हेही वाचा – जगातील पहिला २०० मेगापिक्सेल कॅमेरा असलेला फोन लाँच झालाय..! किंमत आहे ‘इतकी’
काजल पुढील महिन्यापासून ‘तारक मेहता’चे शूटिंग सुरू करू शकतं, अशी चर्चा आहे. दिशा वकानीनं आपल्या अभिनयानं दयाबेनची व्यक्तिरेखा घरोघरी लोकप्रिय केली आहे. आता काजल प्रेक्षकांच्या अपेक्षांवर कितपत खरी उतरते हे पाहणे उत्सुकतेचे ठरणार आहे. कॉमेडी टीव्ही मालिका ‘तारक मेहता का उल्टा चष्मा’नं १४ वर्षे पूर्ण केली आहेत. ही टीव्ही मालिका २००८ पासून प्रसारित होत आहे आणि आजही ती प्रेक्षकांची आवडती आहे.