Rajpal Yadav Accidentally Hits A Student : सध्या बॉलिवूड अभिनेता राजपाल यादव उत्तर प्रदेशातील प्रयागराजमध्ये आगामी वेब सीरिजचे शूटिंग करत आहे. शूटिंगदरम्यान त्याच्यासोबत एक अपघात झाला, ज्यामुळे तो चर्चेत आहे. त्याच्यावर एका विद्यार्थ्याने मारहाण आणि गैरवर्तन केल्याचा आरोप आहे. वास्तविक, राजपाल प्रयागराजच्या कटरा भागात एका हिंदी चित्रपटाचे शूटिंग करत होता. शूटिंगदरम्यान तो स्कूटर चालवत होता. स्कूटरच्या बिघाडामुळे बालाजी नावाचा विद्यार्थी धडकून जखमी झाला. या धडकेत विद्यार्थी जखमी झाल्याचा आरोप आहे. या घटनेबाबत विद्यार्थ्याने कर्नलगंज पोलीस ठाण्यात तक्रार दाखल केली आहे.
विद्यार्थी बालाजीने आक्षेप घेतल्यानंतर राजपाल यादवच्या बाऊन्सरने त्याला मारहाण केल्याचा आरोप आहे. विद्यार्थ्याने राजपाल यादव आणि क्रू मेंबर्सविरोधात कर्नलगंज पोलीस ठाण्यात लेखी तक्रार केली आहे. त्याचवेळी राजपाल यादवने विद्यार्थ्यासह अनेक लोकांवर शूटिंगमध्ये अडथळा आणल्याचा आरोपही केला आहे. चित्रपटाच्या प्रॉडक्शन मॅनेजरने कथित पीडित विद्यार्थ्याविरुद्ध क्रॉस केस दाखल करण्याची तक्रारही केली आहे.
हेही वाचा – तुमची जुनी गाडी मायलेज देत नाहीये? ‘या’ ४ गोष्टी करून बघा, नक्की फायदाच होईल!
त्यांनी तक्रारीत म्हटले आहे की, काही विद्यार्थी आणि लोकांनी जिल्हा प्रशासनाच्या परवानगीने सुरू असलेल्या शूटिंगमध्ये अडथळा आणला. शूटिंगमध्ये अडथळा आणणे आणि कलाकारांना त्रास दिल्याचा आरोप विद्यार्थ्यावर करण्यात आला आहे. पोलिसांनी अद्याप कोणाच्या तक्रारीवरून एफआयआर नोंदवलेला नाही.
राजपाल यादवच्या स्कूटरचा क्लच तुटला
कर्नलगंज पोलीस स्टेशनचे एसएचओ राम मोहन राय यांनी सांगितले की, स्कूटरची क्लच वायर तुटल्यानंतर राजपाल यादवचे नियंत्रण सुटले आणि त्याने विद्यार्थ्याला धडक दिली. पोलीस अधिकाऱ्याने सांगितले की, विद्यार्थ्याला कोणतीही दुखापत झाली नाही. मात्र, पुढील तपास सुरू असून, त्यानंतर पुढील कारवाई केली जाईल.