7th Pay Commission : केंद्र सरकारच्या कर्मचार्‍यांना त्यांच्या पगाराबाबत लवकरच चांगली बातमी मिळू शकते. मीडिया रिपोर्ट्सनुसार, सप्टेंबरमध्ये महागाई भत्ता (DA) आणि महागाई रिलीफ (DR) मध्ये ४ टक्के वाढ केल्यानंतर, सरकार पुन्हा एकदा त्यात वाढ करू शकते. सरकार मार्च २०२३ मध्ये डीए आणि डीआर मध्ये ३-५ टक्के वाढ करू शकते. केंद्र सरकारचे लाखो कर्मचारी १८ महिन्यांच्या डीएच्या प्रतीक्षेत आहेत. मात्र, याबाबत कोणतेही अपडेट नाही.
सरकारने सप्टेंबरमध्ये डीए आणि डीआरमध्ये ४ टक्क्यांनी वाढ केली होती, ज्यामुळे देशातील ४८ लाख केंद्र सरकारी कर्मचारी आणि ६८ लाख पेन्शनधारकांना दिवाळी आणि सणासुदीच्या आधी फायदा झाला. १ जुलै २०२२ पासून, सरकारी वाढीनंतर डीए किंवा डीआर मूळ वेतन किंवा पेन्शनच्या अनुक्रमे ३८ टक्के झाले. या वर्षाच्या सुरुवातीला २०२२ मध्ये, मार्चमध्ये डीएमध्ये सुधारणा करण्यात आली होती. सरकार वर्षातून दोनदा डीए आणि डीआर मध्ये सुधारणा करते.
हेही वाचा – Petrol Diesel Price Today : कच्च्या तेलाच्या किमती वाढल्या, वाचा पेट्रोल आणि डिझेलचे नवीन दर
#7thpaycommission: केंद्रीय कर्मचारियों के लिए खुशखबरी! बढ़कर इतना हो जाएगा डीए@narendramodi @PMOIndia @FinMinIndia @nsitharaman #dearnessallowance #DA #governmentjob #ModiGovt #latestnews #NarendraModi #moneycontrolhttps://t.co/QbDlivNYwE
— Moneycontrol Hindi (@MoneycontrolH) December 5, 2022
डीए इतका वाढेल…
सध्या सरकारी कर्मचाऱ्यांना ३८ टक्के डीए मिळतो. जर सरकारने डीएमध्ये ३ ते ५ टक्क्यांनी सुधारणा केली तर डीए ४१ ते ४३ टक्क्यांच्या दरम्यान असू शकतो. समजा एखाद्याचा पगार ५०,००० रुपये असेल आणि त्याचा मूळ पगार २०,००० रुपये असेल, तर त्याला ३८ टक्के दराने ७६०० डीए मिळेल. डीए ५% ने वाढल्यास तो ८६०० रुपये होईल. म्हणजेच पगारात १२००० रुपयांची वार्षिक वाढ होणार आहे.
यापूर्वी २०२२ च्या सुरुवातीला सरकारने डीए ३ टक्क्यांनी वाढवून ३४ टक्के केला होता. २००६ मध्ये, केंद्र सरकारने केंद्र सरकारी कर्मचारी आणि पेन्शनधारकांसाठी डीए आणि डीआरच्या गणना सूत्रात सुधारणा केली. केंद्र सरकार दरवर्षी १ जानेवारी आणि १ जुलै रोजी भत्त्यांमध्ये सुधारणा करते.