कोणताही इन्शुरन्स घेताना, आपण त्याच्या सर्व अटी व शर्ती काळजीपूर्वक वाचल्या पाहिजेत जेणेकरून इन्शुरन्स क्लेम (Health Insurance Claim In Marathi) करताना आपल्याला कोणतीही अडचण येऊ नये. विशेषत: जेव्हा हेल्थ इन्शुरन्सचा विचार केला जातो, तेव्हा तुम्ही कोणत्या परिस्थितीत इन्शुरन्सचा क्लेम करू शकाल आणि कोणत्या परिस्थितीत तुम्ही करु शकत नाही, याकडे अधिक लक्ष दिले पाहिजे. हेल्थ इन्शुरन्सचा दावा करण्यासाठी, 24 तास हॉस्पिटलायझेशन आवश्यक मानले जाते. पण या नियमात काही अपवाद आहेत. हे अपवाद कोणते आहेत आणि कोणत्या परिस्थितीत तुम्ही 24 तास रुग्णालयात दाखल न होता हेल्थ इन्शुरन्सचा क्लेम करू शकता.
याला अपवाद काय?
या 24 तास आवश्यकतेचा अपवाद म्हणजे डे-केअर उपचार. अशा लोकांसाठी ज्यांना जास्त काळ रुग्णालयात राहण्याची गरज नाही, परंतु हेल्थ इन्शुरन्सचा क्लेम करावा लागतो, हा अपवाद वरदानापेक्षा कमी नाही, कारण तुम्हाला 24 तासांसाठी रुग्णालयात दाखल होणे, आवश्यक नसते.
कोणत्या परिस्थितीत तुम्ही क्लेम करू शकता?
तुम्ही तुमच्या हेल्थ इन्शुरन्समधून डे-केअर उपचारांचा दावा करू शकता. डे-केअर उपचार म्हणजे 24 तासांपेक्षा कमी कालावधीत होणारे उपचार. हॉस्पिटल किंवा डे-केअर सेंटरमध्ये जनरल ऍनेस्थेसियाच्या प्रभावाखाली केलेल्या वैद्यकीय उपचार आणि शस्त्रक्रिया प्रक्रियांचा समावेश आहे.
आरोग्य योजनेमध्ये समाविष्ट असलेल्या काही सामान्य डे-केअर उपचारांमध्ये समाविष्ट आहे. मोतीबिंदू शस्त्रक्रिया, टॉन्सिलेक्टॉमी, केमोथेरपी, रेडिओथेरपी, हेमोडायलिसिस, कोरोनरी अँजिओग्राफी, नाकातील सायनस ऍस्पिरेशन, फ्री स्कीन ट्रान्स्प्लांटेशन आणि आर्थ्रोस्कोपिक नी ऍस्पिरेशन.
डॉक्टरांचा सल्ला, चाचण्या आणि तपासण्यासारखे बाह्यरुग्ण खर्च डे-केअर उपचारांच्या व्याप्तीतून वगळण्यात आले आहेत. डे केअर उपचारांसाठी क्लेम करणे वेगळे नाही; तुम्ही इतर कोणत्याही क्लेमप्रमाणेच क्लेम करू शकता. पॉलिसी घेण्यापूर्वी, तुम्ही तुमच्या डे केअर उपचारांतर्गत समाविष्ट असलेल्या सर्व रोगांबद्दल वाचले पाहिजे.
हेल्थ इन्शुरन्सकडून डे केअर कव्हरेज
आजकाल अनेक आरोग्य इन्शुरन्स कंपन्या डे-केअर उपचारांसाठी कव्हरेज देतात, परंतु वेगवेगळ्या कंपन्या वेगवेगळ्या उपचार आणि शस्त्रक्रिया कव्हर करतात. ज्या तुम्ही पॉलिसी घेण्यापूर्वी तपासल्या पाहिजेत. डे केअर ट्रीटमेंटमध्येही तुम्ही कॅशलेस क्लेमची सुविधा घेऊ शकता.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!