Ahmedabad : गुजरातमधील अहमदाबादमधून एक धक्कादायक बातमी समोर आली आहे. अहमदाबाद शहरातील पालदी परिसरातील एका शेअर बाजार संचालकाच्या रिकाम्या फ्लॅटवर महसूल गुप्तचर संचालनालय (डीआरआय) आणि दहशतवाद विरोधी पथकाने (एटीएस) संयुक्त कारवाईत छापा टाकला. या छाप्यात पथकाला जे सापडले ते पाहून अधिकाऱ्यांचे डोळे फिरले.
स्टॉक ब्रोकरच्या बंद फ्लॅटमधून १०० किलो सोने, प्रचंड प्रमाणात दागिने आणि बरीच रोख रक्कम जप्त करण्यात आली आहे. तपास यंत्रणा आणि पोलिसांना माहिती मिळाल्यानंतर हा छापा टाकण्यात आला. २५ अधिकाऱ्यांनी शेअर बाजार संचालकाच्या पालदी येथील अविष्कार अपार्टमेंटच्या फ्लॅट क्रमांक १०४ वर छापा टाकला. या फ्लॅटचे मालक महेंद्र शाह आणि मेघ शाह नावाच्या व्यक्ती असल्याचे उघड झाले.
गुजरातमध्ये अलिकडच्या काळात एवढी मोठी वसुली होण्याची ही पहिलीच वेळ आहे. पथकाला फ्लॅटमध्ये एक बंद बॉक्स सापडला. जेव्हा ते उघडण्यात आले तेव्हा छापा टाकण्यासाठी आलेले अधिकारीही थक्क झाले. मोठ्या प्रमाणात सोने सापडल्यानंतर, कॅमेऱ्यांच्या देखरेखीखाली ते जप्त करण्यात आले आहे. सध्या शेअर बाजारातील दलालाची चौकशी केली जात आहे आणि एवढ्या मोठ्या प्रमाणात सोने कुठून आले याचा शोध घेण्याचा प्रयत्न केला जात आहे.
तपासादरम्यान आणखी काही वस्तू जप्त केल्या जातील असा अंदाज आहे. छाप्यादरम्यान, नोटा मोजण्यासाठी दोन मशीन आणि सोने वजन करण्यासाठी इलेक्ट्रिक स्केल देखील जप्त करण्यात आले. तपासात सोन्याची बिस्किटे जप्त करण्यात आल्याचे समोर आले, ज्यांचे एकूण वजन ९५.५ किलो असल्याचे सांगितले जाते. याशिवाय काही दागिनेही जप्त करण्यात आले आहेत. एकूणच, बाजारात त्याची किंमत ८३ ते ८५ कोटी रुपयांच्या दरम्यान असण्याचा अंदाज आहे. याशिवाय, छाप्यात सुमारे ६० ते ७० लाख रुपये रोख जप्त करण्यात आले.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!