महाराष्ट्र सरकार राज्यातील 16 हजार ग्रामपंचायतींमध्ये अत्याधुनिक पर्जन्यमापक यंत्रे (Rain Measuring Machine) बसवण्याचा विचार करत आहे. पहिल्या टप्प्यात तीन हजारांहून अधिक ग्रामपंचायतींमध्ये ही उपकरणे बसवण्यात येणार आहेत. राज्याचे कृषीमंत्री धनंजय मुंडे यांनी नागपुरात सुरू असलेल्या विधानसभेच्या हिवाळी अधिवेशनात ही माहिती दिली. पर्जन्यमापक यंत्र बसवल्याने शेतकऱ्यांना पावसाची अचूक माहिती मिळेल, असेही ते म्हणाले. पावसाचे मोजमाप आणि त्यामुळे होणारे नुकसान याची अचूक माहिती मिळाल्यानंतर शेतकऱ्यांना त्यानुसार निर्णय घेणे सोपे होणार आहे.
शेतीमध्ये ड्रोन तंत्रज्ञानाचा वापर करण्याच्या शक्यता पडताळून शेतकऱ्यांची मेहनत कमी करण्यासाठी राज्यात ‘ड्रोन मिशन’ राबविण्यात येणार असल्याचे मुंडे यांनी सांगितले. शेतकऱ्यांना हतबल करणाऱ्यांचे सरकार गेले. छत्रपती शिवाजी महाराजांची शिकवण आणि शिवरायांच्या शेतकरी धोरणावर हे सरकार प्रामाणिकपणे काम करत आहे. शेतकऱ्यांना दोन्ही हातांनी मदत करण्यासाठी कटिबद्ध असलेले हे सरकार असल्याचे मुंडे म्हणाले.
हेही वाचा – IPL 2024 Auction : अनसोल्ड गेलेल्या खेळाडूंचं काय होतं? ते पुन्हा खेळू शकतात का?
राज्यातील 86 लाख शेतकऱ्यांना लाभ
मुंडेंनी सांगितले की, राज्यात नमो किसान महासन्मान योजनेच्या पहिल्या सहामाहीत सुमारे 86 लाख शेतकऱ्यांना 1720 कोटी रुपयांचे वाटप करण्यात आले आहे. निकषांमुळे पात्र व्यक्ती वंचित राहू नयेत, यासाठी संपूर्ण राज्यात चार महिने विशेष मोहीम राबविण्यात आली. पीक विमा योजनेंतर्गत शेतकऱ्यांना विमा भरण्यासाठी फक्त एक रुपया भरावा लागतो. आतापर्यंत, सुमारे 52 लाख शेतकर्‍यांना 25% आगाऊ दावा म्हणून 2216 कोटी रुपयांची रक्कम मंजूर करण्यात आली आहे, त्यापैकी 1700 कोटी रुपयांपेक्षा जास्त वितरित केले गेले आहे. उर्वरित रक्कम वितरित केली जात आहे.
गारपीटग्रस्त शेतकऱ्यांना 1458 कोटी रुपये मिळणार
त्याचबरोबर नव्या घोषणेनुसार दुष्काळ आणि गारपीटसाठी वाढीव दराने अनुदान मंजूर करण्यात येत आहे. ज्या अंतर्गत बाधित शेतकऱ्यांना अंदाजे 1458 कोटी रुपये दिले जातील. त्याचे वाटपही सुरू झाले असून, नानाजी देशमुख कृषी संजीवनी प्रकल्प, फळ विमा व शासनाने दिलेल्या इतर योजनांची आकडेवारीही मुंडे यांनी सभागृहात मांडली. ते म्हणाले की, 2 हेक्टर मर्यादेतील धान उत्पादक शेतकऱ्यांना प्रति हेक्टर 20 हजार रुपये मदत देण्याची घोषणा करण्यात आली आहे. यासाठी एक हजार कोटी रुपयांची तरतूद करण्यात आली आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!