शेतकऱ्यांना आर्थिकदृष्ट्या मजबूत करण्यासाठी केंद्र सरकार अनेक योजना राबवते. या योजनांमध्ये किसान क्रेडिट कार्ड (Kisan Credit Card In Marathi) ही एक उत्कृष्ट योजना आहे. शेतकऱ्यांना स्वस्त दरात कृषी कर्ज उपलब्ध करून देण्यासाठी ही योजना सुरू करण्यात आली. देशातील अनेक शेतकरी या कार्डावर कर्जही घेतात. विशेष बाब म्हणजे आता पशुपालक आणि मच्छीमारांनाही किसान क्रेडिट कार्ड योजनेत समाविष्ट करण्यात आले आहे. याचाच अर्थ आता पशुपालक आणि मच्छीमार व्यवसाय सुरू करण्यासाठी स्वस्त दरात कर्ज घेऊ शकतात.
केंद्र सरकारचे असे मत आहे की, बहुतांश शेतकरी शेती करण्यासाठी सावकारांकडून कर्ज घेतात. मात्र कर्जाची परतफेड करताना शेतकऱ्याची आर्थिक स्थिती बिकट होते. अशा परिस्थितीत घरखर्च भागवण्यासाठी शेतकऱ्यांना आपली जमीन विकावी लागते. अशा परिस्थितीत शेतकऱ्यांना सावकारांच्या तावडीतून वाचवण्यासाठी सरकारने किसान क्रेडिट कार्ड योजना सुरू केली. विशेष म्हणजे शेतकऱ्यांना अतिरिक्त कर्जपुरवठा करण्यासाठी केंद्र सरकारने ही योजना 1998 साली केली होती. आता ती पंतप्रधान किसान सन्मान निधी योजनेशीही जोडली गेली आहे. पीएम किसानचे लाभार्थी देखील यासाठी अर्ज करू शकतात.
हेही वाचा – घरात बसून कोणताही कोर्स करा, एकदम फ्री, ‘या’ वेबसाईटवर जा!
किसान क्रेडिट कार्ड अंतर्गत शेतकऱ्यांना 4 टक्के व्याजदराने कृषी कर्ज मिळते. एक शेतकरी जास्तीत जास्त 3 लाख रुपयांपर्यंत कर्ज घेऊ शकतो. त्याच वेळी पात्र शेतकऱ्यांना किसान क्रेडिट कार्डसह बचत खाते देखील दिले जाते. सर्वात मोठी गोष्ट म्हणजे शेतकऱ्यांना 1.60 लाख रुपयांपर्यंतच्या कर्जावर कोणतेही तारण भरावे लागत नाही. किसान क्रेडिट कार्डचा लाभ घेण्यासाठी लाभार्थींचे वय किमान 18 वर्षे असावे. तर 75 वर्षांवरील शेतकऱ्यांना हा लाभ मिळत नाही. कर्जाच्या पैशातून शेतकरी वेळेवर शेतीसाठी खते आणि बियाणे खरेदी करू शकतात. तुम्ही पशुपालन आणि मत्स्यपालन व्यवसाय देखील सुरू करू शकता.
ही कागदपत्रे आवश्यक
- आधार कार्ड
- रेशन कार्ड
- पॅन कार्ड
- मतदार ओळखपत्र
- शेतीशी संबंधित कागदपत्रे
- बँक खाते तपशील
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!